Murali Mohan : సీనియ‌ర్ న‌టుడు ముర‌ళీ మోహ‌న్ ఈ మ‌ధ్య కాలంలో త‌ర‌చూ వార్త‌ల్లో నిలుస్తున్నారు. ఆయ‌న ఇప్పుడు సినిమాలు చేయ‌డం లేదు. కానీ మీడియా సంస్థ‌ల‌కు ఇస్తున్న ఇంట‌ర్వ్యూల్లో ప‌లు ఆస‌క్తిక‌ర‌మైన విష‌యాల‌ను వెల్ల‌డిస్తున్నారు. దీంతో ఆయ‌న వ్యాఖ్య‌లు వైరల్ అవుతున్నాయి. ఈ మ‌ధ్యే ఆయ‌న స‌మంత, నాగ‌చైత‌న్య‌ల‌పై కామెంట్స్ చేశారు. త‌న నుంచి కొన్న అపార్ట్‌మెంట్‌లోనే వారు ఉండేవార‌ని.. అయితే ఒక రోజు ప‌నిమ‌నిషి వ‌చ్చి వారు విడాకులు తీసుకుంటున్నార‌నే విష‌యం చెప్పింద‌ని.. దీంతో షాక‌య్యాన‌ని ముర‌ళీ మోహ‌న్ అన్నారు. అయితే ఎంతో అన్యోన్యంగా క‌నిపించే వారు విడాకులు ఎందుకు తీసుకున్నారో ఇప్ప‌టికీ అర్థం కాలేద‌ని ముర‌ళీ మోహ‌న్ వివరించారు. దీంతో ఆయ‌న కామెంట్స్ వైరల్ అయ్యాయి. ఇక తాజాగా ఆయ‌న ప‌వ‌న్ క‌ల్యాణ్ గురించి కీల‌క వ్యాఖ్య‌లు చేశారు.
చిరంజీవి ప్రజారాజ్యం పార్టీని స్థాపించి 18 ఎమ్మెల్యే సీట్ల‌ను కైవ‌సం చేసుకున్న విష‌యం విదిత‌మే. అయితే ఆయ‌న త‌రువాత త‌న పార్టీని కాంగ్రెస్‌లో విలీనం చేశారు. ఆ త‌రువాతే జ‌న‌సేన ఉద్భ‌వించింది. ఈ క్ర‌మంలోనే ప‌వ‌న్ 2019 ఎన్నిక‌ల్లో ఏపీలో రెండు చోట్ల పోటీ చేసినా ఒక్క చోట కూడా గెల‌వ‌లేదు. అయితే ప‌వ‌న్ ఇప్పుడు సీఎం కాలేక‌పోయినా.. ఎప్పుడో ఒక‌సారి త‌ప్ప‌క సీఎం అవుతార‌ని.. ముర‌ళీ మోహ‌న్ అన్నారు. ప‌వ‌న్‌లో నాయ‌క‌త్వ ల‌క్ష‌ణాలు పుష్క‌లంగా ఉన్నాయ‌ని.. చిరంజీవి చేసిన‌ట్లు ప‌వ‌న్ త‌న పార్టీని దేంట్లోనూ విలీనం చేయ‌ర‌ని అన్నారు. ప‌వ‌న్ సీఎం అయితే మొద‌ట‌గా తామే సంతోషిస్తామని.. ఒక సినీ క‌ళాకారుడు సీఎం అయ్యాడ‌ని గ‌ర్వ‌పడ‌తామ‌ని ముర‌ళీ మోహ‌న్ అన్నారు.
Murali Mohan
ఇక తాను గ‌తంలో రాజ‌మండ్రిలో బీజీపీ త‌ర‌ఫున ఎన్నిక‌ల ప్ర‌చారం చేస్తున్న‌ప్పుడు ప‌వ‌న్ కూడా త‌న త‌ర‌ఫున ప్ర‌చారం చేశార‌నే విష‌యాన్ని ముర‌ళీ మోహ‌న్ గుర్తు చేశారు. ప‌వ‌న్ క‌చ్చితంగా ఏదో ఒక రోజు సీఎం అవుతార‌న్న న‌మ్మ‌కం త‌న‌కు ఉంద‌ని తెలిపారు. అయితే ప‌వ‌న్ స‌రిగ్గా ఇలాంటి వ్యాఖ్య‌ల‌నే ఈమ‌ధ్య చేశారు. ఏపీలో జ‌రిగిన ఓ కార్య‌క్ర‌మంలో పాల్గొన్న ఆయ‌న త‌న పార్టీని దేంట్లోనూ విలీనం చేయ‌బోన‌ని స్ప‌ష్టం చేశారు. త‌న పార్టీ అభ్య‌ర్థుల‌ను కాకుండా తనను చూసి ఓటు వేయాల‌ని కోరారు. ఇక ప‌వ‌న్ త్వ‌ర‌లోనే ఏపీలో 6 నెల‌ల పాటు బ‌స్సు యాత్ర చేయ‌నున్నారు. అక్టోబ‌ర్ 5 నుంచి ఈ యాత్ర ప్రారంభం అవుతుంద‌ని తెలుస్తోంది.
మన శరీరంలో ఊపిరితిత్తులు ఎంత ముఖ్య‌మైన‌వో ప్ర‌త్యేకంగా చెప్ప‌న‌క్క‌ర్లేదు. ఊపిరితిత్తులు దెబ్బతింటే శ్వాస తీసుకోవడం చాలా కష్టమవడంతోపాటు అతి తక్కువ…
ఇటీవలి కాలంలో వీధికుక్కల బెడద మ‌రింత ఎక్కువైంది. పిల్లల నుంచి పెద్దల వరకు అందరూ రోడ్డుపై స్వేచ్ఛగా తిరిగేందుకు చాలా…
సాహో చిత్రంలో ప్ర‌భాస్ స‌ర‌స‌న కథానాయిక‌గా న‌టించి అల‌రించిన శ్ర‌ద్ధా క‌పూర్ రీసెంట్‌గా స్త్రీ2 అనే మూవీతో ప‌ల‌క‌రించింది. 2018లో…
ప్రముఖ కొరియోగ్రాఫర్ జానీ మాస్టర్ పెద్ద చిక్కుల్లో ప‌డ్డాడు. జానీ మాస్టర్ తనను లైంగికంగా వేధించాడని రాయదుర్గం పోలీసులకు మ‌హిళా…
ఏపీ డిప్యూటీ సీఎం ప‌వ‌న్ క‌ళ్యాన్ ఇటు రాజ‌కీయాలు, అటు సినిమాలు రెండింటిని బ్యాలెన్స్ చేస్తూ ముందుకు సాగుతున్నారు. అయితే…
హారర్ సినిమా ప్రేమికుల్లో 'డీమాంటీ కాలనీ' సినిమాకు సపరేట్ ఫ్యాన్ బేస్ ఉన్న విష‌యం తెలిసిందే. తమిళ సినిమాయే అయినప్పటికీ...…
ఒక్కోసారి ఎవ‌రిని ఎప్పుడు అదృష్టం ఎలా వ‌రిస్తుందో తెలియ‌దు. ఊహించ‌ని విధంగా ల‌క్షాధికారి అవుతుంటారు. తుగ్గలి మండలం సూర్యతాండాలో రైతుకూలీకి…
ఈ రోజుల్లో బంధాలు ఎక్కువ కాలం కొన‌సాగ‌డం లేదు. ల‌క్ష‌లు ఖ‌ర్చు పెట్టి ఎంతో అట్టహాసంగా పెళ్లి చేసుకుంటుండ‌గా,ఆ పెళ్లి…