moto e32s : భారీ బ్యాట‌రీ, డిస్‌ప్లేతో విడుద‌లైన మోటో ఇ32ఎస్ స్మార్ట్ ఫోన్‌.. ధ‌ర త‌క్కువే..!

moto e32s : స్మార్ట్ ఫోన్ త‌యారీ సంస్థ మోటోరోలా మోటో సిరీస్‌లో మ‌రో కొత్త స్మార్ట్ ఫోన్‌ను భార‌త్‌లో విడుద‌ల చేసింది. మోటో ఇ32ఎస్ పేరిట విడుద‌లైన ఈ ఫోన్‌లో ప‌లు ఆక‌ట్టుకునే ఫీచ‌ర్ల‌ను అందిస్తున్నారు. ఇందులో 6.5 ఇంచుల హెచ్‌డీ ప్ల‌స్ రిజ‌ల్యూష‌న్ క‌లిగిన డిస్‌ప్లేను ఏర్పాటు చేశారు. దీనికి 1600 x 720 పిక్స‌ల్స్ స్క్రీన్ రిజ‌ల్యూష‌న్ ల‌భిస్తోంది. అలాగే దీనికి 90 హెడ్జ్ రిఫ్రెష్ రేట్‌ను అందిస్తున్నారు. అందువ‌ల్ల డిస్‌ప్లే చాలా క్వాలిటీగా ఉంటుంది.

ఈ ఫోన్‌లో ఆక్టాకోర్ మీడియాటెక్ హీలియో జి37 ప్రాసెస‌ర్‌ను అమ‌ర్చారు. ఈ ఫోన్ 3జీబీ ర్యామ్‌, 32 జీబీ స్టోరేజ్‌, 4జీబీ ర్యామ్‌, 64జీబీ స్టోరేజ్ వేరియెంట్‌ల‌లో విడుద‌లైంది. మెమొరీని కార్డు ద్వారా 1 టీబీ వ‌ర‌కు పెంచుకోవ‌చ్చు. ఆండ్రాయిడ్ 12 ఆప‌రేటింగ్ సిస్ట‌మ్ ఇందులో ల‌భిస్తుంది. డ్యుయ‌ల్ సిమ్‌ల‌ను, ఒక మెమొరీ కార్డును వేసుకోవ‌చ్చు. వెనుక వైపు 16 మెగాపిక్స‌ల్ మెయిన్ కెమెరాకు తోడుగా మ‌రో 2 మెగాపిక్స‌ల్ డెప్త్ కెమెరా, ఇంకో 2 మెగాపిక్స‌ల్ మాక్రో కెమెరాలు ఉన్నాయి. అలాగే ముందు వైపు 8 మెగాపిక్స‌ల్ కెమెరా ఉంది.

మోటో ఇ32ఎస్ స్మార్ట్ ఫోన్‌లో ఫింగ‌ర్ ప్రింట్ సెన్సార్‌ను పక్క వైపున ఏర్పాటు చేశారు. ఐపీ 52 వాట‌ర్ రీపెల్లెంట్ ఫీచ‌ర్‌ను దీనికి అందిస్తున్నారు. అందువ‌ల్ల నీళ్లు ప‌డితే ఫోన్‌పై నుంచి వెంట‌నే ప‌క్క‌కు వెళ్తాయి. డ్యుయ‌ల్ 4జి వీవోఎల్‌టీఈ, డ్యుయ‌ల్ బ్యాండ్ వైఫై, బ్లూటూత్ 5.0, యూఎస్‌బీ టైప్ సి వంటి ఇత‌ర ఫీచ‌ర్ల‌ను కూడా ఇందులో అందిస్తున్నారు. ఈ ఫోన్‌లో 5000 ఎంఏహెచ్ భారీ కెపాసిటీ ఉన్న బ్యాట‌రీని ఏర్పాటు చేశారు. దీనికి ఫాస్ట్ చార్జింగ్ స‌పోర్ట్ ల‌భిస్తోంది.

మోటో ఇ32ఎస్ స్మార్ట్ ఫోన్ స్లేట్ గ్రే, మిస్టీ సిల్వ‌ర్ క‌ల‌ర్ ఆప్ష‌న్ల‌లో అందుబాటులో ఉండ‌గా.. ఈ ఫోన్‌కు చెందిన 3జీబీ ర్యామ్, 32 జీబీ స్టోరేజ్ మోడ‌ల్ ధ‌ర రూ.9299గా ఉంది. అలాగే 4జీబీ ర్యామ్‌, 64 జీబీ స్టోరేజ్ మోడ‌ల్ ధ‌ర రూ.9,999గా ఉంది. అయితే ఫ్లిప్‌కార్ట్‌, రిల‌య‌న్స్ డిజిట‌ల్‌, జియో మార్ట్ స్టోర్స్‌లో ఈ ఫోన్‌ను రూ.8,999 ప్రారంభ ధ‌ర‌కు కొన‌వ‌చ్చు. ఈ ఆఫ‌ర్‌ను జూన్ 6వ తేదీ వ‌ర‌కే అందిస్తున్నారు.