Manchu Vishnu : మంచు విష్ణు చాలా గ్యాప్ త‌రువాత న‌టిస్తు్న చిత్రం.. గాలి నాగేశ్వ‌ర్ రావు. ఈ మూవీలో సన్నీ లియోన్, పాయ‌ల్ రాజ్‌పూత్‌లు ప్ర‌ధాన పాత్ర‌ల్లో న‌టిస్తున్నారు. ఇప్ప‌టికే ఈ మూవీ షూటింగ్ ప్రారంభం కాగా.. షూటింగ్ ప‌నుల‌ను శర‌వేగంగా చేప‌డుతున్నారు. కామెడీ జోన‌ర్‌లోఈ మూవీని తెర‌కెక్కిస్తున్నారు. మంచు విష్ణు సోద‌రుడు మంచు మ‌నోజ్ హీరోగా వ‌చ్చిన కరెంటు తీగ‌లోనూ సన్నీ లియోన్ మెరిసింది. ఆ త‌రువాత ఇప్పుడు త‌న సోద‌రుడి సినిమాలో ఈమె న‌టిస్తోంది. ఇక షూటింగ్ కార‌ణంగా గ‌త కొంత కాలంగా సన్నీ లియోన్ హైద‌రాబాద్‌లోనే ఉంటోంది.
అయితే ఖాళీ దొరికిన‌ప్పుడ‌ల్లా మంచు విష్ణు, సన్నీ లియోన్, పాయ‌ల్ రాజ్‌పూత్‌లు స‌ర‌దాగా గ‌డుపుతూనే ఉన్నారు. ఈ మ‌ధ్యే వారు ఓ ఫ‌న్నీ సంఘ‌ట‌న‌లో పాలు పంచుకున్నారు. సన్నీ, పాయ‌ల్ ఇద్ద‌రిలో ఎవ‌రు అందంగా ఉంటార‌ని అడ‌గ్గా.. విష్ణు ఒక్కోసారి ఒక‌రి పేరు చెప్పారు. త‌రువాత ఎవ‌రూ కాదు.. అన్నారు. దీంతో ఇద్ద‌రూ విష్ణును చిత‌క‌బాదారు. అయితే ఇప్పుడు విష్ణు అలాంటి ఓ చిలిపి పని చేశారు. సన్నీ లియోన్‌కు ముద్దు ఇస్తున్న‌ట్లు పోజు పెట్టారు. అదే ఫొటోలో పాయ‌ల్ రాజ్‌పూత్ విక్ట‌రీ సింబ‌ల్ ను చూపిస్తోంది. కాగా ఈ ఫొటోను సోష‌ల్ మీడియాలో షేర్ చేయ‌గా వైర‌ల్ గా మారింది.
కాగా ఈ ఫొటోను చూసి నెటిజ‌న్లు అనేక ర‌కాలుగా స్పందిస్తున్నారు. మంచు విష్ణుకు రొమాన్స్ ఎక్కువైంద‌ని కొంద‌రు అంటుండ‌గా.. ప‌బ్లిగ్గా ఇలాంటి ప‌నులేంటి అని విమ‌ర్శిస్తున్నారు. గ‌తంలోనూ ఓ సారి సన్నీ లియోన్ వీపు మీద ఆమ్లెట్ వేయాల‌ని చూసి నెటిజ‌న్ల‌చే విష్ణు విమ‌ర్శ‌లు ఎదుర్కొన్నాడు. అయితే అదింకా మ‌రిచిపోక ముందే మ‌ళ్లీ ఆమెతో అలాగే ప్ర‌వ‌ర్తించాడు. దీంతో విష్ణును మ‌ళ్లీ నెటిజ‌న్లు ట్రోల్ చేస్తున్నారు.
