iPhone : ఆన్ లైన్ లో ఫోన్ల‌ను ఆర్డ‌ర్ చేస్తే స‌బ్బు బిళ్ల‌లు, ఇటుక‌లు వ‌చ్చిన సంఘ‌ట‌న‌ల‌ను మ‌నం గ‌తంలో ఎన్నో చూశాం. అయితే అలాంటి మోసాల‌ను ఎక్కువ‌గా డెలివరీ బాయ్స్ చేసేవారు. క‌నుక వాటికి చెక్ పెట్టేలా ఈ-కామర్స్ సంస్థ‌లు ప‌క‌డ్బందీగా చ‌ర్య‌లను తీసుకుంటున్నాయి. ఇక ఇటీవలి కాలంలోనే ఓ కొత్త స‌దుపాయాన్ని ఈ-కామర్స్ సంస్థ‌లు వినియోగ‌దారుల‌కు అందిస్తున్నాయి. దాంతో డెలివరీ అయ్యే స‌మ‌యంలోనే బాక్స్‌ను వినియోగ‌దారులు డెలివరీ బాయ్ స‌మ‌క్షంలోనే ఓపెన్ చేసి చూడ‌వ‌చ్చు.
అలా ఓపెన్ చేశాక వ‌స్తువు ఉంటే ఓకే.. లేదంటే దాన్ని అలాగే అప్ప‌టికప్పుడే రిట‌ర్న్ పంపి రీఫండ్ పొంద‌వ‌చ్చు. నిజానికి ఇది ఎంతో మంచి స‌దుపాయం. కానీ ఇలా ఉన్న‌ప్ప‌టికీ తాజాగా ఓ వ్య‌క్తికి ఐఫోన్ ఆర్డ‌ర్ చేస్తే స‌బ్బు బిళ్ల వ‌చ్చింది. వివ‌రాల్లోకి వెళితే..
కేర‌ళ‌లోని కొచ్చి పట్టణానికి చెందిన నూరుల్ అమీన్ ఇటీవల అమెజాన్ లో ఐఫోన్-12 బుక్ చేశాడు. రూ. 70,900 ముందుగానే చెల్లించాడు. అమెజాన్ పే ద్వారా చెల్లింపు చేశాడు. ఈ క్ర‌మంలో అమెజాన్ డెలివరీ బాయ్ ఫోన్ ను ఇవ్వ‌గా.. దాన్ని నూరుల్ ఓపెన్ చేసి చూశాడు. అందులో విమ్ బార్ ఉంది. దీంతో షాకైన నూరుల్ వెంట‌నే దాన్ని అలాగే ఆ డెలివరీ బాయ్‌తో తిప్పి పంపేశాడు.
అయితే ఐఫోన్ 12 ఫోన్లు త‌మ వ‌ద్ద స్టాక్ లేనందున అత‌ను చెల్లించిన మొత్తాన్ని అమెజాన్ రీఫండ్ చేసింది. ఈ క్ర‌మంలో అస‌లు పొర‌పాటు ఎక్క‌డ జ‌రిగిందో విచారించే స‌రికి.. షాక్ లాంటి నిజం బ‌య‌ట ప‌డింది. ఆ ఫోన్‌కు చెందిన ఐఎంఈఐ ద్వారా ట్రేస్ చేయ‌గా.. దాన్ని జార్ఖండ్‌లో ఉప‌యోగిస్తున్న‌ట్లు వెల్ల‌డైంది. అయితే నిజానికి ఆఫోన్ సెప్టెంబ‌ర్ నుంచే వినియోగంలో ఉంది. కానీ దాన్ని అక్టోబ‌ర్‌లో అమ్మ‌కానికి పెట్టారు. అంటే.. ఉద్దేశ‌పూర్వ‌కంగానే ఎవ‌రో వాడుతున్న ఫోన్‌ను అమ్మ‌కానికి పెట్టారు. కానీ ఫోన్‌ను అందులో ఉంచకుండా.. విమ్ బార్ పెట్టారు. దీంతో ఆ బాక్స్ అలాగే డెలివరీ అయింది. అంటే.. ఇది డెలివరీ బాయ్ త‌ప్పిదం కాద‌ని, అమ్మ‌కం దారు త‌ప్పిద‌మేన‌ని స్ప‌ష్టంగా తెలుస్తోంది. మ‌రి ఈ త‌ర‌హా మోసాల‌కు ఈ-కామర్స్ సంస్థ‌లు ఎలా చెక్ పెడ‌తాయో చూడాలి.
ఏది ఏమైనా.. మీరు కూడా ఆన్‌లైన్‌లో ఫోన్‌కు ఆర్డ‌ర్ పెడితే.. డెలివరీ బాయ్ ఎదుటే బాక్స్ ఓపెన్ చేసేలా స‌దుపాయాన్ని ఎంచుకోండి. లేదంటే ఇబ్బందులు ఏర్ప‌డితే ఇచ్చిన సొమ్ము మొత్తం వెన‌క్కి వ‌చ్చేందుకు చాలా క‌ష్ట‌ప‌డాల్సి ఉంటుంది.
మన శరీరంలో ఊపిరితిత్తులు ఎంత ముఖ్య‌మైన‌వో ప్ర‌త్యేకంగా చెప్ప‌న‌క్క‌ర్లేదు. ఊపిరితిత్తులు దెబ్బతింటే శ్వాస తీసుకోవడం చాలా కష్టమవడంతోపాటు అతి తక్కువ…
ఇటీవలి కాలంలో వీధికుక్కల బెడద మ‌రింత ఎక్కువైంది. పిల్లల నుంచి పెద్దల వరకు అందరూ రోడ్డుపై స్వేచ్ఛగా తిరిగేందుకు చాలా…
సాహో చిత్రంలో ప్ర‌భాస్ స‌ర‌స‌న కథానాయిక‌గా న‌టించి అల‌రించిన శ్ర‌ద్ధా క‌పూర్ రీసెంట్‌గా స్త్రీ2 అనే మూవీతో ప‌ల‌క‌రించింది. 2018లో…
ప్రముఖ కొరియోగ్రాఫర్ జానీ మాస్టర్ పెద్ద చిక్కుల్లో ప‌డ్డాడు. జానీ మాస్టర్ తనను లైంగికంగా వేధించాడని రాయదుర్గం పోలీసులకు మ‌హిళా…
ఏపీ డిప్యూటీ సీఎం ప‌వ‌న్ క‌ళ్యాన్ ఇటు రాజ‌కీయాలు, అటు సినిమాలు రెండింటిని బ్యాలెన్స్ చేస్తూ ముందుకు సాగుతున్నారు. అయితే…
హారర్ సినిమా ప్రేమికుల్లో 'డీమాంటీ కాలనీ' సినిమాకు సపరేట్ ఫ్యాన్ బేస్ ఉన్న విష‌యం తెలిసిందే. తమిళ సినిమాయే అయినప్పటికీ...…
ఒక్కోసారి ఎవ‌రిని ఎప్పుడు అదృష్టం ఎలా వ‌రిస్తుందో తెలియ‌దు. ఊహించ‌ని విధంగా ల‌క్షాధికారి అవుతుంటారు. తుగ్గలి మండలం సూర్యతాండాలో రైతుకూలీకి…
ఈ రోజుల్లో బంధాలు ఎక్కువ కాలం కొన‌సాగ‌డం లేదు. ల‌క్ష‌లు ఖ‌ర్చు పెట్టి ఎంతో అట్టహాసంగా పెళ్లి చేసుకుంటుండ‌గా,ఆ పెళ్లి…