Kidney : మన శరీరంలో కిడ్నీలు చాలా ముఖ్యమైన పాత్రను పోషిస్తాయి. ఇవి మన శరీరంలో ఉండే విష పదార్థాలను, వ్యర్థాలను బయటకు పంపుతాయి. శరీరంలోని రక్తాన్ని కిడ్నీలు ఫిల్టర్‌ చేస్తాయి. వ్యర్థాలను మూత్రం ద్వారా బయటకు పంపుతాయి. ఫిల్టర్‌ అయిన రక్తాన్ని శరీరానికి అందిస్తాయి. ఇలా కిడ్నీలు నిరంతరాయం పనిచేస్తూనే ఉంటాయి. వ్యర్థాలను తొలగిస్తూనే ఉంటాయి. అయితే కొన్ని కారణాల వల్ల కొందరిలో కిడ్నీలు చెడిపోతుంటాయి. కిడ్నీ వ్యాధులు వచ్చి కిడ్నీలు ఫెయిల్ అవుతుంటాయి. అలాంటప్పుడు శరీరం మనకు కొన్ని లక్షణాలను తెలియజేస్తుంది. వాటిని గమనించడం ద్వారా ముందుగానే సమస్యను గుర్తించి జాగ్రత్త పడవచ్చు. తగిన సమయంలో చికిత్స తీసుకుని కిడ్నీలను సురక్షితంగా ఉంచుకోవచ్చు. మరి కిడ్నీలు ఫెయిల్ అయితే ఎలాంటి లక్షణాలు కనిపిస్తాయో ఇప్పుడు తెలుసుకుందామా..!
Kidney
1. కిడ్నీలు ఫెయిల్ అయిన వారిలో తీవ్రమైన అలసట ఉంటుంది. చిన్న పని చేసినా త్వరగా అలసిపోతుంటారు.
2. తరచూ కడుపులో అసౌకర్యంగా అనిపిస్తుంటుంది. వికారంగా ఉంటుంది. వాంతికి వచ్చినట్లు అనిపిస్తుంది. కొందరికి వాంతులు కూడా అవుతుంటాయి.
3. కిడ్నీలు ఫెయిల్ అయిన వారిలో కంగారు, ఆందోళన ఎక్కువగా ఉంటాయి. ఏ పని మీద దృష్టి పెట్టలేరు. ఏకాగ్రత లోపిస్తుంది.
4. శరీరంలో ఎక్కడ చూసినా వాపులు కనిపిస్తాయి. ముఖ్యంగా చేతులు, కాళ్లు వాపులకు గురవుతాయి. పాదాలు, మడమల దగ్గర వాపు బాగా ఉంటుంది. చేతి వేలితో వాపుపై నొక్కితే గుంతలాగా ఏర్పడుతుంది. ఇది కిడ్నీ ఫెయిల్యూర్‌కు కచ్చితమైన సంకేతం అని చెప్పవచ్చు.
5. కిడ్నీలు చెడిపోయిన వారు తరచూ మూత్ర విసర్జన చేయాల్సి వస్తుంది. మూత్రాన్ని అసలు ఆపుకోలేకపోతుంటారు. దుస్తుల్లోనే అయిపోతుంటుంది.
6. రాత్రి పూట కాళ్ల కండరాలు, పిక్కలు పట్టేయడం బాగా జరుగుతూ ఉంటే అలాంటి వారిలో కిడ్నీలు ఫెయిల్ అయ్యాయని గుర్తించాలి.
7. చర్మం పొడిగా మారుతున్నా, దురదలు పెడుతున్నా.. కిడ్నీల సమస్యలు ఉన్నాయని అర్థం చేసుకోవాలి.
8. కిడ్నీలు ఫెయిల్ అయినవారిలో ఆకలి అసలు ఉండదు. ఏం తినాలని అనిపించదు. నాలుక లోహం రుచి మాదిరిగా అనిపిస్తుంటుంది. ఇనుమును రుచి చూస్తే ఎలా ఉంటుందో అలా నాలుక రుచి ఉంటుంది.
పైన తెలిపినవన్నీ కిడ్నీలు ఫెయిల్ అయినవారిలో కనిపించే లక్షణాలు. ఈ లక్షణాలు ఎవరిలో అయినా ఉంటే వెంటనే అప్రమత్తం అవ్వాలి. డాక్టర్‌ను కలిసి పరీక్షలు చేయించుకోవాలి. సమస్యలు ఉంటే వెంటనే డాక్టర్‌ సూచన మేరకు చికిత్స తీసుకోవాలి. మందులను వాడాలి. అలాగే సరైన పౌష్టికాహారం తీసుకోవడం వల్ల కూడా కిడ్నీలను ఆరోగ్యంగా ఉంచుకోవచ్చు. రోజూ తగినంత నీటిని తాగాలి. కొలెస్ట్రాల్‌, బీపీ, షుగర్‌ ఉన్నవారు వాటిని కంట్రోల్‌లో ఉంచుకోవాలి. లేదంటే కిడ్నీలు ఫెయిల్ అయ్యే అవకాశాలు ఎక్కువగా ఉంటాయి. అలాగే అధిక బరువు ఉన్నవారు దాన్ని తగ్గించుకుంటే కిడ్నీలపై భారం పడకుండా ఉంటుంది. కిడ్నీలు ఆరోగ్యంగా ఉంటాయి.
మన శరీరంలో ఊపిరితిత్తులు ఎంత ముఖ్య‌మైన‌వో ప్ర‌త్యేకంగా చెప్ప‌న‌క్క‌ర్లేదు. ఊపిరితిత్తులు దెబ్బతింటే శ్వాస తీసుకోవడం చాలా కష్టమవడంతోపాటు అతి తక్కువ…
ఇటీవలి కాలంలో వీధికుక్కల బెడద మ‌రింత ఎక్కువైంది. పిల్లల నుంచి పెద్దల వరకు అందరూ రోడ్డుపై స్వేచ్ఛగా తిరిగేందుకు చాలా…
సాహో చిత్రంలో ప్ర‌భాస్ స‌ర‌స‌న కథానాయిక‌గా న‌టించి అల‌రించిన శ్ర‌ద్ధా క‌పూర్ రీసెంట్‌గా స్త్రీ2 అనే మూవీతో ప‌ల‌క‌రించింది. 2018లో…
ప్రముఖ కొరియోగ్రాఫర్ జానీ మాస్టర్ పెద్ద చిక్కుల్లో ప‌డ్డాడు. జానీ మాస్టర్ తనను లైంగికంగా వేధించాడని రాయదుర్గం పోలీసులకు మ‌హిళా…
ఏపీ డిప్యూటీ సీఎం ప‌వ‌న్ క‌ళ్యాన్ ఇటు రాజ‌కీయాలు, అటు సినిమాలు రెండింటిని బ్యాలెన్స్ చేస్తూ ముందుకు సాగుతున్నారు. అయితే…
హారర్ సినిమా ప్రేమికుల్లో 'డీమాంటీ కాలనీ' సినిమాకు సపరేట్ ఫ్యాన్ బేస్ ఉన్న విష‌యం తెలిసిందే. తమిళ సినిమాయే అయినప్పటికీ...…
ఒక్కోసారి ఎవ‌రిని ఎప్పుడు అదృష్టం ఎలా వ‌రిస్తుందో తెలియ‌దు. ఊహించ‌ని విధంగా ల‌క్షాధికారి అవుతుంటారు. తుగ్గలి మండలం సూర్యతాండాలో రైతుకూలీకి…
ఈ రోజుల్లో బంధాలు ఎక్కువ కాలం కొన‌సాగ‌డం లేదు. ల‌క్ష‌లు ఖ‌ర్చు పెట్టి ఎంతో అట్టహాసంగా పెళ్లి చేసుకుంటుండ‌గా,ఆ పెళ్లి…