Katrina Kaif : బాలీవుడ్ లవ్ బర్డ్స్ కత్రినా కైఫ్‌ – విక్కీ కౌశల్ కొన్నాళ్లుగా సీక్రెట్ లవ్ వ్య‌వ‌హారం న‌డిపిస్తూ వ‌స్తున్నారు. క‌లిసి పార్టీల‌కు వెళ్ల‌డం, అప్పుడ‌ప్పుడూ క‌లుసుకోవ‌డం ఆ స‌మ‌యంలో కెమెరాల‌కు చిక్క‌డం వంటివి జ‌రిగింది. ఎట్ట‌కేల‌కు ఈ జంట పెళ్లి చేసుకునేందుకు సిద్ధమ‌య్యారు. డిసెంబర్‌ 7 నుంచి 9 వ‌ర‌కు జరగనున్న వీరి వివాహానికి రాజస్థాన్‌లోని సిక్స్‌ సెన్సెస్‌ ఫోర్ట్‌ వేదిక కానుందట.
తమ జీవితాల్లో ఎంతో కీలకమైన ఈ రోజుని కేవలం కుటుంబసభ్యులు, అత్యంత సన్నిహితుల సమక్షంలోనే జరుపుకోవాలని వీరిద్దరూ భావించారట. అందుక‌ని తమ పెళ్లి వేడుకకు వచ్చే వారికి కత్రినా కైఫ్‌ – విక్కీ కౌశల్ జోడీ ఓ రిక్వెస్ట్ పెట్టిందని తెలుస్తోంది. పెళ్లి ఫొటోలు, వీడియోలు బయటకు లీక్‌ కావడం తమకు ఇష్టం లేదని.. అందుచేత ఈ పెళ్లికి ఎవ్వరూ ఫోన్లు తీసుకురావొద్దని కత్రినా, విక్కీ కోరినట్లు తెలుస్తోంది.
ఫంక్షన్‌ని ఏర్పాటు చేస్తోన్న ఆర్గనైజర్స్‌కి సైతం ఈ విషయంపై రూల్‌ పాస్‌ చేశారట. మరోవైపు శుభకార్యం దగ్గరపడుతోన్న తరుణంలో ఇప్పటివరకూ సైలెంట్‌గా ఉన్న ఈ జంట గత కొన్నిరోజుల నుంచి పెళ్లి పనుల్లో ఫుల్‌ బిజీగా పాల్గొంటున్నారట. ఇంతకు ముందు రణ్‌వీర్ సింగ్, దీపికా జంట కూడా ఇలాగే పెళ్లి ఫొటోలను బయటకు రాకుండా జాగ్రత్త పడ్డారు. అయితే కత్రినా, విక్కీల వివాహ వేడుకకు ఇండ‌స్ట్రీ నుండి ఎవ‌రెవ‌రు హాజ‌రవుతారు.. అనేది ఆస‌క్తిక‌రంగా మారింది.
