Ram Charan : తమిళం, మలయాళం, కన్నడ వంటి ఇతర భాషల డైరెక్టర్స్ ఒక్క సక్సెస్ ని అందుకుంటే చాలు వెంటనే ఆ దర్శకుల దృష్టి మొత్తం టాలీవుడ్ ఇండస్ట్రీ పైకి వచ్చేస్తుంది. స్క్రిప్ట్ లతో సహా టాలీవుడ్ ఇండస్ట్రీ హీరోలతో సినిమాలు చేయడానికి సిద్ధమైపోతున్నారు. ఇదే విషయం ఇతర భాషా సినీ వర్గాల్లో చర్చనీయాంశంగా మారింది. మీకు అవకాశం కల్పించిన తల్లి లాంటి ఇండస్ట్రీని వదిలి మరో ఇండస్ట్రీపై ఆసక్తి చూపించడం ఎంతవరకు న్యాయం అంటూ తిట్టిపోస్తున్నారు. తమ కన్నడ హీరోలతో నెక్ట్స్ సినిమాలు చేస్తే కన్నడ చిత్ర పరిశ్రమ అభివృద్ధి చెందుతుంది కదా అంటున్నారు.
దీనికి కారణాలు కూడా లేకపోలేదు. ఎందుకంటే టాలీవుడ్ ఇండస్ట్రీ చాలా పెద్దది. ఒక సినిమా డైరెక్ట్ చేస్తే భారీ ఎత్తులో రెమ్యూనరేషన్ అందుకుంటారు దర్శకులు. సినిమాకు భారీ ఎత్తున బడ్జెట్ పెట్టడానికి కూడా నిర్మాతలు వెనుకాడరు. ఈ కారణాల వలన ఇప్పుడు కన్నడ దర్శకులు కూడా టాలీవుడ్ బడా స్టార్స్ తో సినిమా చేసేందుకు ఇంట్రెస్ట్ చూపిస్తున్నారు.
కేజీఎఫ్ చిత్రంతో సూపర్ హిట్ తర్వాత కన్నడ దర్శకుడు ప్రశాంత్ నీల్ ప్రభాస్, ఎన్టీఆర్ లతో భారీ బడ్జెట్ సినిమాలు చేయడానికి సిద్ధమైపోయారు. ఆ తర్వాత రామ్ చరణ్ తో కూడా ప్రాజెక్ట్ చేయబోతున్నాడ‌ని వార్తలు వినిపిస్తున్నాయి. ఇక ప్రశాంత్ నీల్ తర్వాత మరో కన్నడ దర్శకుడికి రామ్ చరణ్ డేట్స్ ఇచ్చినట్లు వార్తలు వినిపిస్తున్నాయి. ఈ వార్తతో కన్నడ ఇండస్ట్రీకి బాధ కలుగుతోంది.
ప్రశాంత్ నీల్ శిష్యుడైన దర్శకుడు నర్తన్ డైరెక్షన్ లో హీరో శివరాజ్ కుమార్ మఫ్టీ అనే ఒక యాక్షన్ థ్రిల్లర్ సినిమా చేశారు. ఈ చిత్రంతో నర్తన్ ఎంతో అనుభవం ఉన్న దర్శకుడిలా మొదటి సినిమాతోనే కన్నడంలో బ్లాక్ బాస్టర్ హిట్ ను అందుకున్నారు. ఈ చిత్రంతో నర్తన్ కు ఎంతో పాపులారిటీ పెరిగింది. ఇక దర్శకుడు నర్తన్ తో రామ్ చరణ్ సినిమా చేయబోతున్నట్లు మీడియాలో వార్తలు వస్తున్నాయి. ఇప్పటికే రామ్ చరణ్ తో కథకు సంబంధించిన చర్చలు జరిగినట్లు వార్తలు వినిపిస్తున్నాయి.
ఇక ఈ వార్తతో రామ్ చరణ్ ను టార్గెట్ చేస్తూ మీకు రాజమౌళి, సుకుమార్ వంటి ఎంతో గొప్ప దర్శకులు ఉన్నారు. హిందీ నుంచి ఆఫర్స్ వస్తున్నా వెళ్లకుండా మా కన్నడ దర్శకులతో సినిమాలు చేయడం ఎంతవరకు న్యాయం అంటూ సోషల్ మీడియా వేదికగా చరణ్ ను టార్గెట్ చేస్తూ కామెంట్స్ తో రచ్చ రచ్చ చేస్తున్నారు కన్నడ ఇండస్ట్రీ వారు.
రామ్ చరణ్ ప్రస్తుతం దర్శకుడు శంకర్ డైరెక్షన్లో rc15 చిత్రంలో నటిస్తున్న సంగతి తెలిసిందే. ఈ క్రమంలో రామ్ చరణ్ తన 16వ సినిమాని నర్తన్ డైరెక్షన్ చేస్తున్నట్లు వార్తలు వస్తున్నాయి. ఒకవేళ ఈ వార్త నిజమై రామ్ చరణ్ తో చేసిన చిత్రం సక్సెస్ అయినట్లైతే దర్శకుడు నర్తన్ టాలీవుడ్ లో స్టార్ డైరెక్టర్ గా మారినా ఆశ్చర్యపోనవసరం లేదు.
