Kamal Haasan : కోలీవుడ్ స్టార్ హీరో కమల్ హాసన్ ఇటీవలే కరోనా బారిన పడిన సంగతి మనకు తెలిసిందే. ప్రస్తుతం ఆయన చికిత్స తీసుకుంటున్నారు. ఈ క్రమంలోనే ప్రస్తుతం ఆయన ఆరోగ్య పరిస్థితి నిలకడగా ఉందని వైద్యులు వెల్లడించారు. ఇక కమల హాసన్ కూతురు అక్షర హాసన్, శృతిహాసన్ గురించి అందరికీ తెలుసు. అయితే వారి తండ్రి కరోనా బారినపడినప్పటికీ వారు మాత్రం పార్టీలు చేసుకుంటూ తెగ ఎంజాయ్ చేస్తున్నారు.

శృతిహాసన్ తన బాయ్ ఫ్రెండ్ హజారికాతో కలిసి ముంబైలోని ఒక ఫ్లాట్ లో ఉంటోంది. అక్కడికి శృతి హాసన్ చెల్లెలు అక్షర హాసన్ రావడంతో ఈ ముగ్గురూ ఎంతో సంతోషంగా పార్టీ చేసుకున్నారు. ఈక్రమంలోనే హజారికా బొమ్మలు గీస్తూ తన పనిలో తాను నిమగ్నం కాగా వీరిద్దరు మాత్రం తిండిపై పూర్తిగా శ్రద్ధ పెట్టారు.

అనంతరం ఈ ముగ్గురూ కలసి బెడ్ పై దొర్లుతూ సెల్ఫీలకు ఫోజులు ఇచ్చారు. ఈ క్రమంలోనే ఈ ముగ్గురూ కలిసి తీసుకున్న ఫోటోలు సోషల్ మీడియాలో వైరల్ గా మారాయి. ఇక ఈ ఫోటోలను చూసిన కొందరు నెటిజన్లు తండ్రి అనారోగ్యంతో బాధపడుతూ ఉంటే మీరు ఇలా పార్టీలు చేసుకుంటున్నారా.. అంటూ కామెంట్లు చేస్తున్నారు.