Honey : స్వ‌చ్ఛ‌మైన అడ‌వి తేనెను ఎలా గుర్తించాలో తెలుసా ?

Honey : మ‌న‌కు అందుబాటులో ఉన్న అత్యంత స‌హ‌జ‌సిద్ధ‌మైన ప‌దార్థాల్లో తేనె ఒక‌టి. ఆయుర్వేద ప‌రంగా తేనెకు ఎంతో ప్రాధాన్య‌త ఉంది. ఇది అనేక అనారోగ్య స‌మ‌స్య‌ల‌ను త‌గ్గించ‌గ‌ల‌దు. ఇందులో యాంటీ వైర‌ల్‌, యాంటీ బాక్టీరియ‌ల్ ల‌క్ష‌ణాలు ఉంటాయి క‌నుక శ‌రీర రోగ నిరోధ‌క శ‌క్తి పెరుగుతుంది. దీని వ‌ల్ల ఇన్ఫెక్ష‌న్లు, సీజ‌న‌ల్ వ్యాధులు రావు. క‌నుక తేనెను ప్ర‌తి రోజూ ఆహారంలో భాగంగా చేసుకోవాలి.

అయితే స్వ‌చ్ఛ‌మైన అడ‌వి తేనె మ‌న‌కు చాలా త‌క్కువ‌గా ల‌భిస్తుంది. కొంద‌రు దీన్ని విక్ర‌యిస్తారు కానీ అది న‌కిలీ అయ్యే అవ‌కాశాలే ఎక్కువ‌గా ఉంటాయి. ఈ క్ర‌మంలోనే స్వ‌చ్ఛ‌మైన అడ‌వి తేనెను ఎలా గుర్తించాలి.. అందుకు ఏం చిట్కాలు ఉన్నాయి.. అన్న వివ‌రాల‌ను ఇప్పుడు తెలుసుకుందాం.

స్వ‌చ్ఛ‌మైన అడ‌వి తేనె అయితే అగ్గిపుల్లను ఆ తేనెలో ముంచి అనంత‌రం దాన్ని వెలిగించాలి. అది మండితే తేనె స్వ‌చ్ఛ‌మైన‌ద‌ని గుర్తించాలి. అయితే ఈ చిట్కా అన్ని సంద‌ర్బాల్లోనూ ప‌నిచేయ‌క‌పోవ‌చ్చు. కానీ స్వ‌చ్ఛ‌మైన తేనె అయితే నీటిలో స్పూన్‌తో క‌లిపితే వేగంగా క‌రుగుతుంది. అదే న‌కిలీ అయితే అంత సుల‌భంగా క‌ర‌గ‌దు.

ఇక స్వచ్ఛ‌మైన తేనెను నాలుక‌తో నాకితే కొండనాలుక‌కు ఘాటు త‌గిలిన‌ట్లు అనిపిస్తుంది. కారంగా ఉంటుంది. అలాగే స్వచ్ఛ‌మైన తేనెను కాగితం మీద వేస్తే అంత సుల‌భంగా త‌డ‌వ‌దు. కాస్త ఆల‌స్యం అవుతుంది. కానీ క‌ల్తీ తేనె అయితే కాగితం త్వ‌ర‌గా త‌డుస్తుంది. ఇలా స్వ‌చ్ఛ‌మైన అడ‌వి తేనెను సుల‌భంగా గుర్తించ‌వ‌చ్చు.