Samantha : తెలుగు సినిమా ఇండస్ట్రీలో హీరోయిన్ సమంతకు ఎలాంటి క్రేజ్ ఉందో ప్రత్యేకంగా చెప్పాల్సిన పని లేదు. ఈమె ఎన్నో అద్భుతమైన చిత్రాల్లో నటించి విశేష ప్రేక్షకాదరణ సంపాదించుకుంది. ఇలా టాలీవుడ్ ఇండస్ట్రీలో స్టార్ హీరోయిన్ గా కొనసాగిన సమంత.. అక్కినేని ఇంటిలో కోడలిగా అడుగుపెట్టడం నాలుగు సంవత్సరాల కాలంలోనే ఆ ఇంటితో తెగతెంపులు చేసుకోవడం అభిమానులు జీర్ణించుకోలేకపోతున్నారు.
విడాకులు తీసుకున్న తర్వాత సమంత తన దృష్టిని మొత్తం బాలీవుడ్ వైపు మళ్లించినట్లు తెలుస్తోంది. ఈ క్రమంలోనే సమంత అభిమానులు తీవ్ర ఆందోళన చెందుతున్నారు. బాలీవుడ్ కి సమంత వెళితే ఇక తెలుగులో సమంత సినిమాలు చేయదా.. తెలుగు తెరపై సమంతను చూడలేమా.. అంటూ అభిమానులు ఆందోళన పడుతూ సందేహాలను వ్యక్తపరుస్తున్నారు.
అయితే సమంత తెలుగులో మరెన్నో అద్భుతమైన చిత్రాలలో నటిస్తుందని, ఇప్పటికే తాను తెలుగు సినిమా కథలను వింటుందని కేవలం లేడీ ఓరియెంటెడ్ చిత్రాలు మాత్రమే కాకుండా కమర్షియల్ చిత్రాల్లో కూడా నటించడానికి సమంత సిద్ధంగా ఉందని ఆమె సన్నిహిత వర్గాలు వెల్లడిస్తున్నాయి. ప్రస్తుతం తెలుగులో ఈమె నటించిన శాకుంతలం సినిమా విడుదలకు సిద్ధంగా ఉంది. ఇదిలా ఉండగా సమంత దసరా పండుగ రోజు రెండు సినిమాలను అధికారికంగా ప్రకటించిన సంగతి తెలిసిందే.