Evaru Meelo Koteeshwarulu : ఎవరు మీలో కోటీశ్వరులు అనేది మన తెలివికి, జనరల్ నాలెడ్జికి సంబంధించిన షో. ఇక బిగ్బాస్ కూడా ఇలాంటిదే. కానీ అందులో సామాన్యులకు మాత్రం అవకాశం దక్కదు. ఏదో ఒక రంగంలో స్టార్ అయి ఉన్నా.. కొద్దో గొప్పో పేరు తెచ్చుకున్నా.. బిగ్ బాస్ వంటి షోలలో పాల్గొనే అవకాశం లభిస్తుంది. అయితే ఏ షో అయినా సరే.. వాటిల్లో రూ.1 కోటి గెలిచారనుకుందాం. పన్నులు పోను చేతికి ఎంత మొత్తం వస్తుందంటే..?
ఎవరు మీలో కోటీశ్వరులు, బిగ్ బాస్, ఇతర టీవీ షోలతోపాటు, లాటరీలు, గుర్రం పందాలు, ఆన్లైన్ గేమ్స్ వంటి వాటిలో గెలుచుకున్న ప్రైజ్ మనీకి ఆదాయపు పన్ను చట్టం సెక్షన్ 56(2)(ib) ప్రకారం 30 శాతం ట్యాక్స్ కట్టాలి. ఇక ఆ 30 శాతం మొత్తం మీద మళ్లీ 4 శాతం సెస్ ఉంటుంది. అంటే అది.. 1.2 శాతం అవుతుంది. ఇక 30+1.2 = 31.2 అవుతుంది. ఆ మొత్తం ఆదాయపు పన్ను కట్టాల్సి ఉంటుంది.
ఈ క్రమంలో ప్రైజ్ మనీ నగదు రూపంలో వస్తే.. అందులోంచి TDS – Tax Deduction at Source కట్ చేసి ఇస్తారు. అదే గిఫ్ట్ రూపంలో వస్తే.. ఆదాయపు పన్ను కట్టాలి. ఆ మొత్తాన్ని ఏదైనా సంస్థకు విరాళం ఇస్తే.. ఎలాంటి ఆదాయపు పన్ను కట్టాల్సిన పని ఉండదు.