Chiranjeevi : చిరంజీవికి సీఎం కావాల‌నే కోరిక ఆ సినిమాతోనే క‌లిగిందా..?

Chiranjeevi : స్వ‌యంకృషితో అంచెలంచెలుగా ఎదిగి మెగాస్టార్‌గా గౌర‌వాన్ని అందుకున్నారు చిరంజీవి. ఆయ‌న‌కు దేశ వ్యాప్తంగా అశేష అభిమాన గ‌ణం ఉంది. ఇప్ప‌టికీ చిరంజీవి సినిమాల‌లో న‌టిస్తూ ప్రేక్ష‌కులని అల‌రిస్తున్నారు. ఎటువంటి బ్యాక్ గ్రౌండ్ లేకుండా సినీ ఇండస్ట్రీలోకి వచ్చినా చిరంజీవి ముళ్ల బాటలో నడిచి తనను నమ్ముకున్న ఎంతోమందికి పూలబాట వేశారు. నాలుగు దశాబ్దాలుగా సినీ ఇండస్ట్రీలో అదే ఫామ్ లో దూసుకుపోతున్నారు చిరు.

సినిమాల‌లో స‌క్సెస్ ఫుల్‌గా సాగుతున్న స‌మయంలో చిరంజీవి త‌న అభిమానుల కోరిక మేర‌కు 2008లో ప్రజా రాజ్యం అనే పార్టీని సొంతంగా స్థాపించారు. ఆ తరువాత ఆరు నెలలకు జరిగిన ఎన్నికల్లో ఏకంగా 18 స్థానాలను ప్రజారాజ్యం కైవసం చేసుకుంది. అయితే ముఖ్యమంత్రి కావాలనే కోరికతోనే చిరంజీవి పార్టీ పెట్టారని సమాచారం. అయితే ఈయన రాజ‌కీయాల్లోకి రావడానికి అప్పట్లో నటించిన ఒక సినిమానే కారణమని సినీ ఇండస్ట్రీలో చర్చ నడుస్తోంది..

కోదండరామిరెడ్డి దర్శకత్వంలో వచ్చిన ముఠామేస్త్రి సినిమాలో మార్కెట్లో కూలీగా పని చేస్తూ.. ఏకంగా చిరంజీవి మంత్రి స్థాయికి ఎదుగుతాడు. ముఠామేస్త్రి సినిమా ప్రభావం వల్లే చిరుకి ముఖ్యమంత్రి కావాలనే కోరిక బాగా ఏర్పడిందని పలువురు పెద్దలు చెబుతున్నారు. ఏదేమైనా చిరుకి రాజ‌కీయాలు అస్స‌లు క‌లిసి రాలేదు. ఖైదీ నెం 150 చిత్రంతో సినిమాల‌లోకి రీఎంట్రీ ఇచ్చిన చిరు వరుస సినిమాల‌తో ఫుల్ బిజీగా ఉన్నారు.