Bigg Boss : బుల్లితెర బిగ్గెస్ట్ రియాలిటీ షో బిగ్ బాస్. మరికొన్ని రోజుల్లో బిగ్ బాస్ సీజన్ ముగిసిపోతుంది. 11 వారాల్లో 11 మంది ఎలిమినేట్ అయ్యారు. ఇప్పుడు హౌస్ లో కేవలం 8 మంది ఉన్నారు. వీరిలో ఏడుగురు నామినేషన్స్ లో ఉన్నారు. మానస్ తప్ప మిగిలిన ఇంటి సభ్యులంతా నామినేట్ అయ్యారు. ఇక ఈ వారం ఎవరు ఎలిమినేట్ అవుతారనేది తెలియాలి. సోషల్ మీడియాలో వస్తున్న వార్తల ప్రకారం షణ్ముఖ్, సన్నీలు ఫస్ట్ రెండు స్థానాల్లో ఉన్నారు. నామినేషన్స్ లోకి వెళ్లిన ప్రతిసారి వీరిద్దరికీ మధ్య టఫ్ కాంపిటీషన్ నడుస్తోంది.
వీరిద్దరి తర్వాత మూడు, నాలుగు స్థానాల్లో యాంకర్ రవి, శ్రీరామచంద్రలు ఉన్నారు. చివరి మూడు స్థానాల్లో అమ్మాయిలు పోటీపడుతున్నారు. కనుక ఈ వారం బిగ్ బాస్ నుండి మరో లేడీ కంటెస్టెంట్ ఎలిమినేట్ అవ్వడం ఖాయంగా కనిపిస్తోంది.
కాజల్, సిరి, ప్రియాంక ఎవరి గేమ్ వారు ఆడుతున్నారు. ఇక స్ట్రాటజీ అంటూ మొదట్నుండి తన స్టైల్ లో గేమ్ ఆడుతున్న కాజల్ ను కూడా అభిమానులు తెగ ఓట్లేసి గెలిపిస్తున్నారు. సిరి గేమ్ స్టార్ట్ అయితే చాలా చక్కగా గేమ్ ఆడేస్తుంది. కనుక మిగతా వారితో పోల్చుకుంటే సిరికి కూడా కాస్త గట్టిగానే ఓట్లు పడుతున్నాయి.
Bigg Boss : ప్రియాంక ఎలిమినేట్ అయ్యే అవకాశాలు ఎక్కువ
ప్రస్తుతం ప్రియాంక సింగ్ కు ఓట్లు తక్కువ పడుతున్నాయనేది అనధికారిక సమాచారం. ఈ క్రమంలో మానస్ నామినేషన్స్ లో లేకపోయినా.. మానస్ ఫ్యాన్స్ పింకీకి ఓట్లు వేయాలంటే ఆలోచిస్తున్నారట. ఎందుకంటే బిగ్ బాస్ హౌస్ లో పింకీ ఉంటే మానస్ గేమ్ కి ప్రాబ్లెమ్ అవుతుందని, మానస్ టాప్ 5 లో ఉండటం బహుశ కష్టం ఏమోనని ఆలోచిస్తున్నారట. అందుకే పింకీకి ఓట్లు వేయటంలో కాస్త తటపటాయిస్తున్నట్లు సమాచారం. అందుకే పింకీని ఎంత త్వరగా వీలైతే అంత త్వరగా ఇంటి నుండి బయటకు పంపేయాలని చూస్తున్నారు. ఈ క్రమంలో ఈ వారం ప్రియాంక ఎలిమినేట్ అయ్యే అవకాశాలు ఎక్కువగా కనిపిస్తున్నాయి. మరి ఏం జరుగుతుందో చూడాలి.
