Bigg Boss 5 : బిగ్ బాస్ హోస్ట్ గా నాగార్జున చేయలేని పనిని.. సిరి తల్లి చేసిందా ?

Bigg Boss 5 : బిగ్ బాస్ కార్యక్రమానికి గత మూడు సీజన్ల నుంచి నాగార్జున హోస్ట్ గా వ్యవహరిస్తున్నారు. అయితే గత రెండు సీజన్లలోహోస్ట్ గా నాగార్జున ఎంతో మంచి పేరు సంపాదించుకున్నప్పటికీ ఈ సీజన్లో మాత్రం ఆయన వ్యవహార శైలి నచ్చక ఎంతో మంది నెటిజన్లు కామెంట్లు చేస్తున్నారు. హోస్ట్ అంటే హౌస్ సభ్యులు ఎవరు తప్పు చేసినా వారిని ప్రశ్నించే హక్కు ఉండాలి. కానీ నాగార్జున మాత్రం ఆ పని చేయడం లేదు.

ముఖ్యంగా బిగ్ బాస్ హౌస్ లో ఉన్న సిరి, షణ్ముఖ్ గురించి పెద్ద ఎత్తున సోషల్ మీడియాలో నెగెటివ్ కామెంట్స్ చేస్తున్నారు. వీరిద్దరూ కలిసి గ్రూప్ గేమ్ ఆడుతున్నారని, నిత్యం ఒకరినొకరు అంటిపెట్టుకొని వీరి ముద్దులు, హగ్గులు ఇచ్చుకుంటున్నారని.. వీరి గురించి నెటిజన్లు తీవ్రస్థాయిలో ఆగ్రహం వ్యక్తం చేస్తున్నారు. అయితే నాగార్జున మాత్రం ఈ విషయం గురించి వీరిద్దరినీ ఎప్పుడూ అడగలేదు.

తాజాగా బిగ్ బాస్ హౌస్ లో కుటుంబ సభ్యులతో సంతోషకరమైన వాతావరణం ఏర్పడింది. ఈ క్రమంలోనే బిగ్ బాస్ హౌస్ లోకి సిరి తల్లి ఎంట్రీ ఇచ్చారు. ఈమె హౌస్ లోకి రాగానే తన కూతురు ఎంతో అద్భుతంగా ఆడుతుందని చెప్పినప్పటికీ, సిరి.. షణ్ముఖ్ ను ముద్దు పెట్టుకోవడం, హగ్ చేసుకోవడం తనకు నచ్చలేదని చెప్పడంతో అందరూ ఒక్కసారిగా షాకయ్యారు.

ఇలా తన కూతురికి కొంతవరకు తల్లి బుద్ధి చెప్పినట్టు తెలుస్తోంది. ఈ సందర్భంలో ఇదే విషయాన్ని క్యాష్ చేసుకున్న నెటిజన్లు బిగ్ బాస్ హోస్ట్ గా నాగార్జున చేయలేని పనిని సిరి తల్లి చేసిందా.. అంటూ నాగార్జునను దారుణంగా ట్రోల్ చేస్తున్నారు.