Bigg Boss 5 : బుల్లితెర ప్రేక్ష‌కుల‌ని అల‌రిస్తున్న బిగ్ బాస్ కార్య‌క్ర‌మంలో సండే ఫ‌న్‌డేగా సాగింది. హౌజ్‌మేట్స్‌తో ప‌లు గేమ్స్ ఆడించిన నాగార్జున.. ప్రియాంకతో నీ ఫ్యూచర్‌ రిలేషన్‌ ఏంటన్న ప్రశ్నకు.. మానస్.. ఫ్రెండ్ అని చెప్పి ఆశ్చ‌ర్య‌ప‌రిచాడు. ప్రియాంక‌ను ఇదే ప్ర‌శ్న అడ‌గ‌గా, ఆమె కూడా అలాగే బ‌దులు ఇచ్చింది. శ్రీరామ్‌ను ఇన్‌ఫ్లూయెన్స్‌ చేయడానికి ప్రయత్నిస్తున్నావా ? అన్న ప్రశ్నకు రవి లేదని చెప్పాడు.
ఈ వారం ‘అనుభవించు రాజా’ హీరోహీరోయిన్లు రాజ్‌ తరుణ్‌, కౌశిష్‌, నటుడు నెల్లూరు సుదర్శన్‌ బిగ్బాస్ స్టేజీపై సందడి చేశారు. కాసేపు హౌస్‌మేట్స్‌తో చిట్‌చాట్‌ చేసి అందరినీ సరదాగా నవ్వించారు. తర్వాత ఒక్కో డైలాగ్‌ను ఒక్కొక్కరికీ అంకితమివ్వాలంటూ ఓ సరదా గేమ్‌ ఆడించాడు నాగ్‌. ‘నన్ను రెచ్చగొట్టకు’ అన్న డైలాగ్‌ను మానస్.. సన్నీకిచ్చాడు.
‘నమ్మకం లేదు దొర’ డైలాగ్‌ను షణ్ను.. రవికిచ్చాడు. ‘సరె సర్లే చాలా చూశాం’ అన్న బోర్డును షణ్నుకిచ్చాడు రవి. ‘మస్తు షేడ్స్‌ ఉన్నయ్‌రా నీలో.. కమల్‌ హాసన్‌’ అన్న డైలాగ్‌ బోర్డును యానీ రవికి అంకితమిచ్చింది. ‘ఓన్లీ వన్స్‌ ఫసక్‌’ బోర్డును ప్రియాంక.. మానస్‌కు ఇచ్చింది. ‘ఏమో సర్‌, నాకు కనబడదు’ డైలాగ్‌ షణ్నుకు సరిగ్గా సెట్టవుతుందన్నాడు శ్రీరామ్.
‘ఇవే తగ్గించుకుంటే మంచిది’ అనేది షణ్నుకు, తనకు ఇద్దరికీ సెట్టవుతుందని చెప్పింది సిరి. ‘నీ బొందరా నీ బొంద’ డైలాగ్‌ను శ్రీరామ్‌కు అకింతమిచ్చింది కాజల్‌. ‘అయిపాయే’ అనేది రవికి సెట్టవుతుందన్నాడు సన్నీ. అనంతరం సిరి, ప్రియాంక సేఫ్‌ అవగా యానీ ఎలిమినేట్ అయింది. అనీ ఎలిమినేట్ కావ‌డంతో శ్రీరామ్ చంద్ర కాస్త విచారం వ్య‌క్తం చేశాడు.
మంచి తమ్ముడిగా ఉన్నందుకు రవికి థ్యాంక్స్‌ చెప్పింది. శ్రీరామ్ మంచి ఫ్రెండ్ అంది. ప్రియాంక.. సీతాకోక చిలుక అని కాంప్లిమెంట్‌ ఇచ్చింది. బయటకొచ్చాక మానస్‌తో మంచి ఫ్రెండ్ అవుతానంది. సన్నీ తన ఫ్రెండ్ అని, అతడిని మిస్‌ అవుతానంది. కాజల్‌ గురించి చెప్పడానికి ఏమీ లేదని పెదవి విరించింది. అనంతరం అందరి దగ్గరా వీడ్కోలు తీసుకుంది.
