Ashu Reddy : డబ్ స్మాష్ వీడియోలతో బాగా పాపులారిటీ దక్కించుకున్న అషూ రెడ్డి బిగ్ బాస్ షోలో పాల్గొని ఆ పాపులారిటీని మరింత రెట్టింపు చేసుకుంది. సోషల్ మీడియాలో చాలా యాక్టివ్గా ఉంటూ ఈ అమ్మడు చేస్తున్న రచ్చ అంతా ఇంతా కాదు. తాజాగా ఈ ముద్దుగుమ్మ ఓ వీడియో షేర్ చేస్తూ పెద్ద షాక్ ఇచ్చింది. అషూ రెడ్డికి స్వతహాగా హ్యాండ్ బ్యాగులంటే చాలా ఇష్టం. ఆ మధ్య అషూ తల్లి హ్యాండ్ బ్యాగును నేల మీదకు విసిరి కొట్టింది. దీనికి సంబంధించిన వీడియోను అషూ సోషల్ మీడియాలో పోస్ట్ చేయగా విపరీతంగా వైరల్ అయింది.
ఇక రీసెంట్గా దుబాయ్ చుట్టేసి వచ్చిన అషూ రెడ్డి పోయేటప్పుడు ఒక సూట్కేసుతో వెళ్లి వచ్చేటప్పుడు నాలుగైదు సూటుకేసులతో వచ్చింది. అందులో మామూలు హ్యాండ్ బ్యాగులు లేవు. ఒక్కో దాని ధర రూ.2 లక్షలు, రెండున్నర లక్షలున్నాయి. వాటి రేట్లను చూసి అషూ రెడ్డి అమ్మ నోరెళ్లబెట్టేసింది. డబ్బుల విలువ తెలియడం లేదంటూ చీవాట్లు పెట్టేసింది. నీకు ఇలా చెబితే అర్థం కాదే.. అంటూ అషూకి షాకిచ్చింది.
ఇంట్లో ఉన్న పాత బ్యాగును ఒకటి తీసుకుని దానికి నిప్పు పెట్టింది. దీంతో అషూ .. ‘ఏంటి మమ్మీ? నీకేమైనా పిచ్చా..’ అంటూ తన కోపాన్ని కంట్రోల్ చేసుకోవడానికి ప్రయత్నించింది. ఇలా పాత బ్యాగులు కాలిస్తేనే ఇంకోసారి కొత్త బ్యాగుల జోలికి పోకుండా ఉన్నవాటినే వాడతావని వార్నింగ్ ఇచ్చింది తల్లి.
కొద్ది సేపటికే దుబాయ్ నుండి తెచ్చిన కొత్త బ్యాగ్కి పూజలు చేసింది. ఇలా ఎందుకు చేస్తున్నారు ఆంటీ అని అషూ ఫ్రెండ్ అడగగా.. ‘బంగారం కొనమంటే బ్యాగులు కొంటోంది. ఆ బంగారం డబ్బుతోనే బ్యాగులు కొంటుంది, కాబట్టి దీన్ని కూడా బంగారంగా భావించి దండం పెడుతున్నా’ అని చెప్పుకొచ్చింది.