Amazon Prime Video : యష్ హీరోగా కేజీఎఫ్‌కు సీక్వెల్ గా వ‌చ్చిన మూవీ కేజీఎఫ్ 2. ఈ మూవీ బాక్సాఫీస్ వ‌ద్ద సంచ‌ల‌న రికార్డుల‌ను న‌మోదు చేస్తోంది. హిందీ మార్కెట్‌లో బాహుబ‌లి 2 త‌రువాత అత్య‌ధిక క‌లెక్ష‌న్ల‌ను సాధించి సంచ‌ల‌నం సృష్టించింది. ఇప్ప‌టికీ ఈ మూవీని చూసేందుకు ప్రేక్ష‌కులు థియేట‌ర్ల‌కు వెళ్తున్నారు. అయితే ఈ మూవీని ఓటీటీలో స్ట్రీమ్ చేయాల‌ని నిర్ణ‌యించారు. అమెజాన్ ప్రైమ్ అందుకు గాను డిజిట‌ల్ హ‌క్కుల‌ను కూడా కొనుగోలు చేసింది. కానీ ప్రేక్ష‌కుల‌కు ఆ సంస్థ ఒక్క‌సారిగా షాకిచ్చింది. ఎందుకంటే ఓటీటీలో వ‌స్తే స‌హజంగానే సినిమాను ఉచితంగానే చూస్తామ‌న్న భావ‌న‌లో ప్రేక్ష‌కులు ఉన్నారు. కానీ ఓటీటీలో రిలీజ్ అయినప‌ప్ప‌టికీ ఈ మూవీని చూడాలంటే రూ.199 చెల్లించాల‌ని అమెజాన్ ప్రైమ్ ష‌ర‌తు విధించింది. దీంతో అమెజాన్ ప్రైమ్ నిర్ణ‌యంపై ప్రేక్ష‌కులు మండిప‌డుతున్నారు. ఆ సంస్థను భారీ ఎత్తున ట్రోల్ చేస్తున్నారు.
కేజీఎఫ్ 2 సినిమాను చూడాలంటే రూ.199 చెల్లించి పే ప‌ర్ వ్యూ పద్ధతిలో చూడాల‌ని అమెజాన్ ప్రైమ్ ష‌ర‌తు పెట్టింది. అయితే ఇలాంటి మోడ‌ల్ అమెరికాలో ఎప్ప‌టి నుంచో ఉంది. భార‌త్‌లోనే కొత్త. దీంతో ఇప్ప‌టికే ప్రైమ్ స‌బ్‌స్క్రిప్ష‌న్ కోసం డ‌బ్బులు చెల్లించాం క‌దా.. ఇప్పుడు ఈ కొత్త మెలిక ఏమిటి ? ఓటీటీలో సినిమా వ‌స్తే ఉచితంగానే చూస్తున్నాం క‌దా.. ఇప్పుడు డ‌బ్బులు చెల్లించాల‌ని ఎందుకు అడుగుతున్నారు ? అంటూ ప్రేక్ష‌కులు అమెజాన్ ప్రైమ్‌ను ఒక ఆట ఆడుకుంటున్నారు. ఆ సంస్థ‌పై తీవ్ర ఆగ్ర‌హం వ్య‌క్తం చేస్తున్నారు. సినిమా చూసేందుకు డ‌బ్బులు చెల్లించాల్సి వ‌స్తే.. అంత మాత్రానికి ఎంతో ధ‌ర పెట్టి అమెజాన్ ప్రైమ్ వీడియో స‌బ్‌స్క్రిప్ష‌న్‌ను తీసుకోవడం ఎందుకు ? ఇది క‌చ్చితంగా దోపిడీయే అని ఆ సంస్థ‌పై ప్రేక్ష‌కులు తీవ్ర స్థాయిలో ఆగ్ర‌హం వ్య‌క్తం చేస్తున్నారు. అలాగే సోష‌ల్ మీడియాలో అమెజాన్‌ను ట్రోల్ చేస్తున్నారు.
Amazon Prime Video
ఇక పే ప‌ర్ వ్యూ పద్ధతిలో రూ.199 కి సినిమా అందుబాటులో ఉండ‌డంతో కొంద‌రు వెబ్‌సైట్ల నిర్వాహ‌కులు ఈ మూవీని కాపీ చేసి ఆన్‌లైన్‌లో పెట్టేశారు. దీంతో ఎలాంటి రుసుము లేకుండానే ఈ మూవీ ఆన్‌లైన్‌లో ఉచితంగా ప‌లు టోరెంట్ సైట్ల‌లో ల‌భిస్తోంది. ఈ క్ర‌మంలోనే తాము రూ.199 చెల్లించ‌కుండానే సినిమా హెచ్‌డీ ప్రింట్‌ను పొందుతున్నామ‌ని ప్రేక్ష‌కులు అమెజాన్‌కు ట్వీట్ చేస్తున్నారు. ఇక కొంద‌రు అమెజాన్ ప్రైమ్ స‌బ్ స్క్రిప్ష‌న్‌ను వ‌దులుకుంటున్న‌ట్లు తెలిపారు. ఈ క్ర‌మంలోనే కేజీఎఫ్ 2 విష‌యంలో అమెజాన్ ప్రైమ్ కు సెగ తగిలింద‌నే చెప్ప‌వ‌చ్చు. మ‌రి దీనిపై అమెజాన్ ప్రైమ్ ఎలా స్పందిస్తుందో చూడాలి.
మన శరీరంలో ఊపిరితిత్తులు ఎంత ముఖ్య‌మైన‌వో ప్ర‌త్యేకంగా చెప్ప‌న‌క్క‌ర్లేదు. ఊపిరితిత్తులు దెబ్బతింటే శ్వాస తీసుకోవడం చాలా కష్టమవడంతోపాటు అతి తక్కువ…
ఇటీవలి కాలంలో వీధికుక్కల బెడద మ‌రింత ఎక్కువైంది. పిల్లల నుంచి పెద్దల వరకు అందరూ రోడ్డుపై స్వేచ్ఛగా తిరిగేందుకు చాలా…
సాహో చిత్రంలో ప్ర‌భాస్ స‌ర‌స‌న కథానాయిక‌గా న‌టించి అల‌రించిన శ్ర‌ద్ధా క‌పూర్ రీసెంట్‌గా స్త్రీ2 అనే మూవీతో ప‌ల‌క‌రించింది. 2018లో…
ప్రముఖ కొరియోగ్రాఫర్ జానీ మాస్టర్ పెద్ద చిక్కుల్లో ప‌డ్డాడు. జానీ మాస్టర్ తనను లైంగికంగా వేధించాడని రాయదుర్గం పోలీసులకు మ‌హిళా…
ఏపీ డిప్యూటీ సీఎం ప‌వ‌న్ క‌ళ్యాన్ ఇటు రాజ‌కీయాలు, అటు సినిమాలు రెండింటిని బ్యాలెన్స్ చేస్తూ ముందుకు సాగుతున్నారు. అయితే…
హారర్ సినిమా ప్రేమికుల్లో 'డీమాంటీ కాలనీ' సినిమాకు సపరేట్ ఫ్యాన్ బేస్ ఉన్న విష‌యం తెలిసిందే. తమిళ సినిమాయే అయినప్పటికీ...…
ఒక్కోసారి ఎవ‌రిని ఎప్పుడు అదృష్టం ఎలా వ‌రిస్తుందో తెలియ‌దు. ఊహించ‌ని విధంగా ల‌క్షాధికారి అవుతుంటారు. తుగ్గలి మండలం సూర్యతాండాలో రైతుకూలీకి…
ఈ రోజుల్లో బంధాలు ఎక్కువ కాలం కొన‌సాగ‌డం లేదు. ల‌క్ష‌లు ఖ‌ర్చు పెట్టి ఎంతో అట్టహాసంగా పెళ్లి చేసుకుంటుండ‌గా,ఆ పెళ్లి…