Akhanda Movie : నంద‌మూరి బాలకృష్ణ, ద‌ర్శ‌కుడు బోయ‌పాటి శ్రీ‌నుల కాంబినేష‌న్‌లో వ‌చ్చిన అఖండ మూవీ హ్యాట్రిక్ విజ‌యాన్ని అందించింది. ఈ మూవీ బాక్సాఫీస్ వ‌ద్ద ఘ‌న విజ‌యాన్ని సాధించింది. క‌లెక్ష‌న్ల రికార్డుల‌ను సృష్టిస్తూ ముందుకు సాగింది. అయితే ఇటీవ‌లే ఈ మూవీ 50 రోజుల‌ను కూడా పూర్తి చేసుకుంది.
తాజాగా అఖండ మూవీ ఓటీటీలో స్ట్రీమ్ అయింది. డిస్నీ ప్ల‌స్ హాట్ స్టార్‌లో అఖండ‌ను స్ట్రీమ్ చేశారు. ఇక ఓటీటీ ప్లాట్‌ఫామ్‌పై కూడా అఖండ మూవీ స‌రికొత్త రికార్డుల‌ను సృష్టించింది. 24 గంట‌ల వ్య‌వ‌ధిలో ఓటీటీ ప్లాట్‌ఫామ్‌లో అత్య‌ధిక సంఖ్య‌లో ప్రేక్ష‌కులు వీక్షించిన తెలుగు మూవీగా అఖండ రికార్డును క్రియేట్ చేసింది.
అఖండ మూవీకి మిరియాల ర‌వీంద‌ర్ రెడ్డి నిర్మాత‌గా వ్య‌వ‌హ‌రించ‌గా.. ఓటీటీలోనూ ఈ మూవీ బ్లాక్ బ‌స్ట‌ర్ హిట్‌గా నిలిచింది. ప్ర‌గ్యా జైశ్వాల్ ఈ మూవీలో ఫీమేల్ లీడ్ రోల్ పోషించింది. పూర్ణ మ‌రో ప్ర‌ధాన పాత్ర‌లో న‌టించింది. శ్రీ‌కాంత్ ఈ మూవీలో విల‌న్‌గా న‌టించి మెప్పించారు.
