Balakrishna : ఆర్ఆర్ఆర్, కేజీఎఫ్ చిత్రాల హంగామా ముగిసింది. ఇక ఇప్పుడు ఆచార్య సంద‌డి మొద‌లైంది. ఈ సినిమాలో చిరంజీవి, రామ్ చ‌ర‌ణ్ వంటి ఇద్ద‌రు స్టార్ హీరోలు ఉండ‌డంతో ఈ మూవీపై ఆస‌క్తి నెల‌కొంది. ఆచార్య చిత్రం సినీ ప్రేమికులకు విజువల్ ట్రీట్‌గా ఉంటుంది. మాస్ కథకు భారీగా కమర్షియల్ హంగులు అద్దాం.. అని కొర‌టాల శివ అంటున్నారు. వెండితెరపై చిరు, చరణ్‌ను కలిపి చూడటం అభిమానులకు పండుగలా ఉంటుందని ఆయ‌న చెప్పుకొచ్చారు. ఆచార్య చిత్రంలో రామ్ చ‌ర‌ణ్ పాత్ర 30 నిమిషాల పాటు ఉండ‌బోతుంద‌ని టాక్ వినిపిస్తోంది. ఇక ఈ సినిమాలో రామ్ చ‌ర‌ణ్ కు జోడీగా పూజా హెగ్డె హీరోయిన్ గా న‌టించింది.
ఏప్రిల్‌29న విడుద‌ల కానున్న ఈ సినిమాకి సంబంధించి ప్ర‌స్తుతం జోరుగా ప్ర‌మోష‌న‌ల్ కార్య‌క్ర‌మాలు కొన‌సాగుతున్నాయి. పాట‌లు, ప్రీ రిలీజ్ ఈవెంట్‌ల‌తో సినిమాపై అంచ‌నాలు రెట్టింపు చేసే ప్ర‌య‌త్నం చేస్తున్నారు. అలాగే ఇంట‌ర్వ్యూలు కూడా ఇస్తున్నారు. అయితే ఆచార్య సినిమా క‌థ త‌న‌దే అంటూ ర‌చ‌యిత రాజేష్ మండూరి సంచ‌ల‌న ఆరోప‌ణ‌లు చేశారు. తాజాగా ఓ ఇంట‌ర్వ్యూలో మాట్లాడుతూ ఆచార్య క‌థ‌ను తాను త‌న గ్రామంలోని రామాల‌యంలో జ‌రిగిన ఓ ఘ‌ట‌న ఆదారంగా రాసుకున్నాన‌ని.. బాల‌య్య హీరోగా ఈ సినిమా చేయాల‌ని తాను భావించిన‌ట్టు చెప్పుకొచ్చారు.
మైత్రి మూవీ మేక‌ర్స్‌కి సంబంధించిన చెర్రీ అనే వ్య‌క్తికి ఈ క‌థ వినిపించ‌గా, అత‌డు క‌థ వినే సమయంలో రికార్డింగ్ చేశాడ‌ని చెప్పాడు. అంతే కాకుండా ఈ క‌థ‌ను కొర‌టాల శివ తెర‌కెక్కిస్తే బాగుంటుంద‌ని అన్న‌ట్టు తెలిపారు. వారు క‌థ విని సైలెంట్ గా వెళ్లారని త‌న‌కు ఎలాంటి రిప్లై ఇవ్వ‌క‌పోవ‌డంతో న‌చ్చ‌లేద‌ని అనుకున్న‌ట్టు తెలిపారు. అయితే కొర‌టాల శివ అదే క‌థ‌తో సినిమా చేస్తుండ‌డం నాకు షాక్ ఇచ్చింది. ఆ క‌థ త‌న‌దే అని ఈ విష‌యంపై అసోసియేష‌న్ లో ఫిర్యాదు చేశాన‌ని చెప్పారు. తాను కొర‌టాల‌కు క‌థ పంపాన‌ని ఆయ‌న ఆచార్య క‌థ వేర‌ని చెప్పార‌ని అన్నారు. మొత్తానికి ఈ ట్విస్ట్ ఇప్పుడు చ‌ర్చ‌నీయాంశంగా మారింది.
