Today Gold Rate : రానున్న రోజుల్లో మంచి ముహూర్తాలు ఉన్న నేప‌థ్యంలో చాలా మంది పెళ్లిళ్లు, ఇత‌ర శుభ కార్యాలు చేసేందుకు సిద్ధ‌మ‌వుతున్నారు. అయితే బంగారం ధరలు త‌గ్గుతుండ‌డం అంద‌రికీ సంతోషాన్నిస్తోంది. గ‌త కొద్ది రోజులుగా బంగారం ధ‌ర‌ల్లో హెచ్చు త‌గ్గులు చోటు చేసుకుంటున్నాయి. కానీ వారం రోజుల నుంచి ఈ ధరలు త‌గ్గుముఖం ప‌డుతున్నాయి. మ‌రోవైపు వెండి ధ‌ర‌ల్లో కూడా త‌గ్గుద‌ల న‌మోద‌వుతోంది. ఇక బుధ‌వారంతో పోలిస్తే బంగారం ధర త‌గ్గింది. ఈ క్ర‌మంలోనే హైద‌రాబాద్‌లో 22 క్యారెట్ల బంగారం ధర 10 గ్రాముల‌కు రూ.130 త‌గ్గి ప్ర‌స్తుతం రూ.46,450 వ‌ద్ద ఉంది.
కాగా 24 క్యారెట్ల బంగారం ధర 10 గ్రాముల‌కు రూ.100 త‌గ్గి ప్ర‌స్తుతం రూ.50,680గా కొన‌సాగుతోంది. ఇక హైద‌రాబాద్ మార్కెట్‌లో వెండి ధర కిలోకు రూ.100 పెరిగింది. ఈ ధర రూ.60వేలుగా ఉంది. అదేవిధంగా విజ‌య‌వాడ‌లో 10 గ్రాముల 22 క్యారెట్స్ బంగారం ధర రూ.46,450, 24 క్యారెట్స్ బంగారం ధర రూ.50,680గా ఉంది. ఇక్కడ వెండి ధర కిలో రూ.60గా ఉంది. అలాగే విశాఖపట్నం మార్కెట్‌లో 22 క్యారెట్ల 10 గ్రాముల బంగారం ధర రూ.46,450, 24 క్యారెట్ల 10 గ్రాముల బంగారం ధర రూ.50,680గా ఉన్నాయి.
బెంగుళూరులో 22 క్యారెట్ల 10 గ్రాముల బంగారం ధర రూ.46,500, 24 క్యారెట్ల 10 గ్రాముల బంగారం ధర రూ.50,730గా ఉన్నాయి. అలాగే ఢిల్లీలో 22 క్యారెట్ల బంగారం ధర రూ.46,450, 24 క్యారెట్ల బంగారం ధర రూ.50,680గా ఉన్నాయి. కోల్‌క‌తాలో ఈ ధరలు రూ.46,450, రూ.50,680గా ఉన్నాయి.
అయితే అంత‌ర్జాతీయ మార్కెట్‌లో మాత్రం బంగారం ధర ఎక్కువ‌గానే ఉంది. బుధ‌వారంతో పోలిస్తే 1.05 శాతం పెరిగింది. ఔన్స్‌కు 1737 డాలర్లుగా ఉంది. అలాగే వెండి ధర 2.76 శాతం పెర‌గ్గా.. ఔన్స్‌కు దీని రేటు 19.04 డాలర్లుగా ఉంది. ఈ క్ర‌మంలోనే అంత‌ర్జాతీయంగా నెల‌కొన్న ప‌రిస్థితుల కార‌ణంగానే బంగారం, వెండి ధ‌ర‌ల్లో భారీగా మార్పులు చోటు చేసుకుంటున్నాయ‌ని చెప్ప‌వ‌చ్చు. ఇంకా ఎన్ని రోజుల పాటు ఇలా కొన‌సాగుతుందో తెలియాల్సి ఉంది.
