Ulli Vada : ఉల్లిపాయలను వంటల్లో వాడడంతో పాటు వీటితో మనం రకరకాల చిరుతిళ్లను తయారు చేస్తూ ఉంటాము. ఉల్లిపాయలతో చేసుకోదగిన రుచికరమైన చిరుతిళ్లల్లో ఉల్లి వడ కూడా ఒకటి. ఉల్లి వడలు చాలా రుచిగా ఉంటాయి. ఇవి ఎక్కువగా హోటల్స్ లో లభిస్తూ ఉంటాయి. టీ టైం స్నాక్స్ గా తీసుకోవడానికి ఇవి చాలా చక్కగా ఉంటాయి. ఈ ఉల్లి వడలను మనం కూడా చాలా సులభంగా తయారు చేసుకోవచ్చు. చాలా తక్కువ సమయంలో చాలా సులభంగా వీటిని తయారు చేసుకోవచ్చు. ఎంతో రుచిగా, క్రిస్పీగా ఉండే హోటల్ స్టైల్ ఉల్లి వడలన ఇంట్లోనే ఎలా తయారు చేసుకోవాలి.. అన్న వివరాలను ఇప్పుడు తెలుసుకుందాం.
ఉల్లి వడ తయారీకి కావల్సిన పదార్థాలు..
సన్నగా పొడుగ్గా తరిగిన ఉల్లిపాయలు – 4 లేదా 5, ఉప్పు – తగినంత, కారం – ఒక టీ స్పూన్, చిన్నగా తరిగిన పచ్చిమిర్చి – 2, తరిగిన కరివేపాకు – ఒక రెమ్మ, అల్లం తరుగు – ఒక టీ స్పూన్, జీలకర్ర – పావు టీ స్పూన్, వంటసోడా – చిటికెడు, బియ్యం పిండి – 2 టేబుల్ స్పూన్స్, మైదాపిండి – 2 టేబుల్ స్పూన్స్, నూనె – డీప్ ఫ్రైకు సరిపడా.
ఉల్లి వడ తయారీ విధానం..
ముందుగా గిన్నెలో ఉల్లిపాయ ముక్కలను తీసుకోవాలి. తరువాత ఉప్పు వేసి చేత్తో బాగా కలపాలి. వీటిపై మూత పెట్టి 5 నిమిషాల పాటు పక్కకు ఉంచాలి. తరువాత ఇందులో ఎక్కువగా ఉండే నీటిని తీసేసి ఉల్లిపాయ ముక్కలను మరో గిన్నెలోకి తీసుకోవాలి. తరువాత ఇందులో కొద్దిగా ఉప్పు, కారం, పచ్చిమిర్చి, కరివేపాకు, అల్లం తురుము, జీలకర్ర, వంటసోడా వేసి బాగా కలపాలి. తరువాత బియ్యంపిండి, మైదాపిండి వేసి నీళ్లు పోయకుండా అంతా కలిసేలా కలుపుకోవాలి. తరువాత కళాయిలో నూనె పోసి వేడి చేయాలి. నూనె వేడయ్యాక చేతులకు నూనె రాసుకుని కొద్ది కొద్దిగా పిండిని తీసుకుని వడలాగా వత్తుకుని నూనెలో వేసుకోవాలి. వీటిని మధ్యస్థ మంటపై రెండు వైపులా ఎర్రగా అయ్యే వరకు కాల్చుకుని ప్లేట్ లోకి తీసుకోవాలి. ఇలా చేయడం వల్ల ఎంతో రుచిగా ఉండే ఉల్లి వడ తయారవుతుంది. దీనిని టమాట కిచప్ తో తింటే మరింత రుచిగా ఉంటుంది. ఈ విధంగా హోటల్ స్టైల్ లో చేసిన ఈ ఉల్లివడలను అందరూ ఎంతో ఇష్టంగా తింటారు.
How To Increase Breast Milk : గర్భం ధరించిన మహిళలు ఎంతో జాగ్రత్తగా ఉండాలన్న సంగతి తెలిసిందే. కాస్త…
Telugu OTT : వారం వారం ఓటీటీల్లోకి కొత్త సినిమాలు వస్తూనే ఉన్నాయి. ఇక ఈ వారం కూడా ఓటీటీలో…
Eggs In Summer : గుడ్డు ఒక ఆరోగ్యకరమైన మరియు సూపర్ ఫుడ్. ఎందుకంటే విటమిన్ బి12, బి6, బి5,…
Lemon Buying : నిమ్మకాయలను భారతీయులు ఇంట్లో మరియు వంటగదిలో అనేక రకాలుగా ఉపయోగిస్తారు. రుచిలో పుల్లగా ఉండే నిమ్మకాయలు…
Hibiscus Tea : మన చుట్టూ ప్రకృతిలో ఎన్నో రకాల మొక్కలు కనిపిస్తుంటాయి. వాటిల్లో కొన్ని అందమైన పుష్పాలు పూస్తాయి.…
Whiten Teeth : మన శరీరంలోని అవయవాల్లో దంతాలు కూడా ఒకటి. చాలా మంది వీటి ఆరోగ్యంపై దృష్టి పెట్టరు.…
Sitting In Temple : మన దేశంలో ప్రతి ఇంట్లోనూ దేవుడికి చిన్నపాటి గుడి అయినా కచ్చితంగా ఉంటుంది. ఇల్లు…
Work From Home Scam : సోషల్ మీడియా ప్రభావం ప్రస్తుత తరుణంలో ఎంతగా ఉందో అందరికీ తెలిసిందే. అయితే…