Nalleru Podi : మనకు ప్రకృతి ప్రసాదించిన దివ్యౌషధ మొక్కలల్లో నల్లేరు మొక్క కూడా ఒకటి. నల్లేరు మొక్కలో ఎన్నో ఔషధ గుణాలు, ఆరోగ్య ప్రయోజనాలు దాగి ఉన్నాయి. చాలా మంది అలంకరణకు ఈ మొక్కను ఇళ్లల్లో కూడా పెంచుకుంటున్నారు. నల్లేరు మొక్క ఎముకలకు ఎంతో మేలు చేస్తుంది. నల్లేరు మొక్కను తీసుకోవడం వల్ల విరిగిన ఎముకలు త్వరగా అతుకుతాయి. ఎముకలు గుళ్లబారడం, ఆస్ట్రియోపోరోసిస్ వంటి సమస్యలు తగ్గుతాయి. కీళ్ల నొప్పులు, మోకాళ్ల నొప్పులు, ఆర్థ్రరైటిస్ వంటి ఎముకల సంబంధిత సమస్యలతో బాధపడే వారు నల్లేరును తీసుకోవడం వల్ల మంచి ఉపశమనం కలుగుతుంది. అంతేకాకుండా అజీర్తి, ఆకలిలేకపోవడం వంటి సమస్యలను తగ్గించడంలో కూడా నల్లేరు మనకు సహాయపడుతుంది. చాలా మంది ఈ నల్లేరుతో పచ్చడిని, కారం పొడిని తయారు చేస్తూ ఉంటారు. నల్లేరుతో చేసే కారం పొడి చాలా రుచిగా ఉంటుంది. ఈ కారం పొడిని తీసుకోవడం వల్ల మనం రుచికి రుచిని ఆరోగ్యానికి ఆరోగ్యాన్ని సొంతం చేసుకోవచ్చు. అలాగే ఈ నల్లేరు కారం పొడిని తయారు చేసుకోవడం కూడా చాలా సులభం. మన ఆరోగ్యానికి ఎంతో మేలు చేసే ఈ నల్లేరుతో కారం పొడిని ఎలా తయారు చేసుకోవాలో.. ఇప్పుడు తెలుసుకుందాం.
నల్లేరు పొడి తయారీకి కావల్సిన పదార్థాలు..
లేత నల్లేరు కాడలు- 200గ్రా., నూనె – 2 టేబుల్ స్పూన్స్, శనగపప్పు – పావు కప్పు, మినపప్పు – పావు కప్పు, మెంతులు – 10, ఎండుమిర్చి – 15 నుండి 20, ధనియాలు – పావు కప్పు, నువ్వులు – పావు కప్పు, జీలకర్ర – ఒక టీ స్పూన్, కరివేపాకు – గుప్పెడు, చింతపండు – ఒక రెమ్మ, ఉప్పు – తగినంత, వెల్లుల్లి రెమ్మలు – 6.
నల్లేరు పొడి తయారీ విధానం..
ముందుగా నల్లేరు కాడలను పీచు లేకుండా శుభ్రం చేసుకుని పక్కకు ఉంచాలి. తరువాత కళాయిలో ఒక టేబుల్ స్పూన్ నూనె వేసి వేడి చేయాలి. నూనె వేడయ్యాక శనగపప్పు, మినపప్పు,మెంతులు వేసి వేయించాలి. తరువాత ఎండుమిర్చి వేసి వేయించాలి. ఇవి వేగిన తరువాత నువ్వులు, జీలకర్ర వేసి వేయించాలి. దాదాపు ఇవి వేగిన తరువాత కరివేపాకు వేసి క్రిస్పీగా అయ్యే వరకు వేయించాలి. చివరగా చింతపండు వేసి కలిపి వీటన్నింటిని ప్లేట్ లోకి తీసుకోవాలి. తరువాత అదే కళాయిలో నూనె వేసివేడి చేయాలి. తరువాత నల్లేరు కాడలు వేసి వేయించాలి. ఈ నల్లేరు కాడలను వాటిలోని నీరంతా పోయి దగ్గర పడే వరకు బాగా వేయించి స్టవ్ ఆఫ్ చేసుకోవాలి. తరువాత జార్ లో ముందుగా వేయించిన దినుసులు, ఉప్పువేసి మరీ మెత్తగా కాకుండా మిక్సీ పట్టుకుని గిన్నెలోకి తీసుకోవాలి. తరువాత అదే జార్ లో వెల్లుల్లి రెమ్మలు, వేయించిన నల్లేరు కాడలు వేసి మెత్తగా మిక్సీ పట్టుకోవాలి. దీనిని ముందుగా మిక్సీ పట్టుకున్న కారంలో వేసి చేత్తో బాగా కలుపుకోవాలి. దీనిని కొద్దిగా పొడిగా అయ్యే వరకు ఆరబెట్టి ఆ తరువాత గాజు సీసాలో వేసి నిల్వ చేసుకోవాలి. ఇలా చేయడం వల్ల నల్లేరు కారం పొడి తయారవుతుంది. దీనిని ఫ్రిజ్ లో ఉంచి నిల్వ చేసుకోవడం వల్ల ఒక నెల రోజుల పాటు తాజాగా ఉంటుంది. అన్నం తినేటప్పుడు మొదటి ముద్దగా ఈ కారం పొడి, నెయ్యి వేసుకుని తింటే రుచితో పాటు ఆరోగ్యాన్ని పొందవచ్చు.
White To Black Hair : ఇంతకు ముందు రోజుల్లో అంటే వృద్ధాప్యం వచ్చాకే జుట్టు తెల్లబడేది. కానీ ఇప్పుడు…
Faluda : మండుతున్న ఎండలకు చాలా మంది చల్లని మార్గాలను ఆశ్రయిస్తుంటారు. చాలా మంది చల్లని పానీయాలను తాగుతుంటారు. వాటిల్లో…
Late Dinner Side Effects : రోజూ మనకు అన్ని పోషకాలతో కూడిన ఆహారం ఎంత అవసరమో.. ఆ ఆహారాన్ని…
Baingan Pulao : వంకాయలను సహజంగానే చాలా మంది ఎంతో ఇష్టంగా తింటుంటారు. వీటితో అనేక రకాల వంటకాలను చేస్తుంటారు.…
Akira Nandan : తెలుగు సినిమా ఇండస్ట్రీలో పవన్ కల్యాణ్కు ఎంత పేరు ఉందో ప్రత్యేకంగా చెప్పాల్సిన పనిలేదు. ఆయన…
Aa Okkati Adakku OTT : అల్లరి నరేష్ ఈ మధ్యకాలంలో పలు సినిమాల్లో నటించినా హిట్ కాలేకపోయాయి. తాజాగా…
LPG Gas Cylinder Rules : ప్రస్తుత తరుణంలో చాలా మంది వంట గ్యాస్ సిలిండర్లను ఉపయోగిస్తున్నారు. కేంద్ర ప్రభుత్వాలు…
Google Pay Personal Loan : ఆర్థిక ఇబ్బందులతో చాలా మంది కొన్ని సార్లు సతమతం అవుతుంటారు. సరైన టైముకు…