Veg Manchuria : మ‌న‌కు ఫాస్ట్ ఫుడ్ సెంట‌ర్ల‌ల్లో ల‌భించే ఆహారాల్లో మంచురియా కూడా ఒక‌టి. మంచురియా చాలా రుచిగా ఉంటుంది. చాలా మంది దీనిని ఇష్టంగా తింటారు. స్నాక్స్ గా తిన‌డానికి ఇది చాలా చ‌క్క‌గా ఉంటుంది. అయితే బ‌య‌ట త‌యారు చేసే మంచురియాలో సాసెస్ ను ఎక్కువ‌గా వేస్తూ ఉంటారు. సాసెస్ వేయ‌కుండా రుచిగా కూడా మనం మంచురియాను త‌యారు చేసుకోవ‌చ్చు. వీకెండ్స్ లో, స్నాక్స్ తినాల‌నిపించిన‌ప్పుడు ఇలా మనం మంచురియాను త‌యారు చేసి తీసుకోవ‌చ్చు. సాసెస్ లేకుండా రుచిగా మంచురియాను ఇంట్లోనే ఎలా త‌యారు చేసుకోవాలి.. అన్న వివ‌రాల‌ను ఇప్పుడు తెలుసుకుందాం.
మంచురియా త‌యారీకి కావ‌ల్సిన ప‌దార్థాలు..
క్యాబేజి తురుము – ఒక క‌ప్పు, ఉప్పు – త‌గినంత, ప‌సుపు – పావు టీ స్పూన్, కారం – అర టీ స్పూన్, ధ‌నియాల పొడి – అర టీ స్పూన్, గ‌రం మ‌సాలా – పావు టీ స్పూన్, మిరియాల పొడి – చిటికెడు, అల్లం వెల్లుల్లి పేస్ట్ – ఒక టీ స్పూన్, మైదాపిండి – అర క‌ప్పు, కార్న్ ఫ్లోర్ – 3 టీ స్పూన్స్, నూనె – డీప్ ఫ్రైకు స‌రిప‌డా.
టాసింగ్ కు కావ‌ల్సిన ప‌దార్థాలు..
నూనె – 2 టేబుల్ స్పూన్స్, చిన్న‌గా త‌రిగిన ప‌చ్చిమిర్చి – 2, చిన్న‌గా త‌రిగిన ఉల్లిపాయ – 1, అల్లం వెల్లుల్లి పేస్ట్ – ఒక టీ స్పూన్, చిన్న‌గా త‌రిగిన క‌రివేపాకు – 2 రెమ్మ‌లు, ప‌సుపు – పావు టీ స్పూన్, కాశ్మీరి కారం – ఒక టీ స్పూన్, గ‌రం మ‌సాలా – పావు టీ స్పూన్, ట‌మాట – 1, ఉప్పు – కొద్దిగా, కార్న్ ఫ్లోర్ – ఒక టీ స్పూన్, నిమ్మ‌ర‌సం – కొద్దిగా.
మంచురియా త‌యారీ విధానం..
ముందుగా గిన్నెలో క్యాబేజి తురుమును తీసుకోవాలి. త‌రువాత నూనె త‌ప్ప మిగిలిన ప‌దార్థాలు వేసి బాగా క‌ల‌పాలి. త‌రువాత కొద్ది కొద్దిగా నీళ్లు పోసుకుంటూ క‌లుపుకోవాలి. పిండి మ‌రీ ప‌లుచ‌గా కాకుండా ఉండేలా చూసుకోవాలి. త‌రువాత క‌ళాయిలో నూనె పోసి వేడి చేయాలి. నూనె వేడ‌య్యాక పిండిని తీసుకుంటూ చిన్న చిన్న ఉండ‌లుగా వేసుకోవాలి. వీటిని మ‌ధ్య‌స్థ మంట‌పై ఎర్ర‌గా అయ్యే వ‌ర‌కు వేయించి ప్లేట్ లోకి తీసుకోవాలి. త‌రువాత టాసింగ్ కు ఇనుమ క‌ళాయిలో నూనె వేసి వేడి చేయాలి. త‌రువాత ప‌చ్చిమిర్చి, ఉల్లిపాయ ముక్క‌లు వేసి పెద్ద మంట‌పై వేయించాలి. త‌రువాత క‌రివేపాకు, అల్లం వెల్లుల్లి పేస్ట్ వేసి వేయించాలి. త‌రువాత ప‌సుపు, కాశ్మీరి కారం, గ‌రం మ‌సాలా వేసి క‌ల‌పాలి. త‌రువాత ట‌మాటాను ఫ్యూరీలాగా చేసి వేసుకోవాలి. దీనిని నూనె పైకి తేలే వ‌ర‌కు ఉడికించిన త‌రువాత కార్న్ ఫ్లోర్ లో నీళ్లు పోసి క‌లిపి వేసుకోవాలి. త‌రువాత ఉప్పు వేసి క‌ల‌పాలి. ఇప్పుడు ముందుగా వేయించిన మంచురియా వేసి క‌ల‌పాలి. దీనిని అంతా క‌లిసేలా బాగా క‌లుపుకున్న త‌రువాత చివ‌ర‌గా నిమ్మ‌ర‌సం వేసి క‌లిపి స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే మంచురియా త‌యార‌వుతుంది. దీనిని అంద‌రూ ఎంతో ఇష్టంగా తింటారు. ఇలా చాలా సుల‌భంగా ఇంట్లోనే మనం మంచురియాను త‌యారు చేసి తీసుకోవ‌చ్చు.
