Kidney Stones : మ‌న శ‌రీరంలో ముఖ్య‌మైన అవ‌య‌వాల‌ల్లో మూత్ర‌పిండాలు కూడా ఒక‌టి. శ‌రీరంలో ఉండే వ్య‌ర్థాల‌ను, మ‌లినాలను బ‌య‌ట‌కు పంపించ‌డంలో మూత్ర‌పిండాలు కీల‌క పాత్ర పోషిస్తాయి. మూత్ర‌పిండాల ఆరోగ్యాన్ని కూడా మ‌నం కాపాడుకోవ‌డం చాలా అవ‌స‌రం. మూత్ర‌పిండాల ఆరోగ్యం దెబ్బ‌తింటే మ‌నం తీవ్ర అనారోగ్యానికి గురి కావాల్సి వ‌స్తుంది. అయితే నేటి త‌రుణంలో చాలా మంది మూత్ర‌పిండాల‌ల్లో రాళ్ల స‌మ‌స్య‌తో బాధ‌ప‌డుతున్నారు. వ‌య‌సుతో సంబంధం లేకుండా అంద‌రూ ఈ స‌మ‌స్య‌ను ఎదుర్కొంటున్నారు అని చెప్ప‌వ‌చ్చు. మారిన మ‌న జీవ‌న‌విధానం, ఆహారపు అల‌వాట్లు, నీటిని త‌క్కువ‌గా తాగ‌డం, ఉప్పు ఉండే ఆహారాల‌ను ఎక్కువ‌గా తీసుకోవ‌డం వంటి వివిధ కార‌ణాల చేత ఈ స‌మ‌స్య త‌లెత్తుతుంది. మూత్ర‌పిండాల‌ల్లో రాళ్ల స‌మ‌స్య మ‌రీ తీవ్రంగా ఉంటే శ‌స్త్ర చికిత్స ద్వారా వాటిని తొల‌గిస్తారు. స‌మ‌స్య త‌క్కువ‌గా ఉంటే మందుల‌ను వాడాల్సి ఉంటుంది.
ఇక మూత్రపిండాల్లో రాళ్ల స‌మ‌స్య‌తో బాధ‌ప‌డే వారు అలాగే ఈ స‌మ‌స్య రాకూడ‌దు అనుకునే వారు ఆహారపు అల‌వాట్ల‌ను కూడా మార్చుకోవాలి. మూత్రపిండాల్లో రాళ్ల స‌మ‌స్య‌తో బాధ‌ప‌డే వారు తీసుకోవాల్సిన మ‌రియు తీసుకోకూడ‌ని ఆహారాల గురించి ఇప్పుడు తెలుసుకుందాం. మూత్రపిండాల్లో రాళ్ల స‌మ‌స్య‌తో బాధ‌ప‌డే వారు నీటిని ఎక్కువ‌గా తీసుకోవాలి. దీంతో మూత్రపిండాల్లో రాళ్లు ఏర్ప‌డ‌కుండా ఉంటాయి. అలాగే మూత్రపిండాల్లో ఉండే రాళ్ల ప‌రిమాణం పెర‌గ‌కుండా ఉంటుంది. అలాగే చిన్న‌గా ఉన్న రాళ్లు మూత్రం ద్వారా బ‌య‌ట‌కు పోతాయి. నీటితో పాటు మ‌జ్జిగ, కొబ్బ‌రి నీళ్లు, ఫ్రూట్ జ్యూస్ వంటి వాటిని కూడా తీసుకోవ‌చ్చు. అయితే ట‌మాట జ్యూస్, క్రాన్ బెర్రీ జ్యూస్, ద్రాక్ష పండ్ల జ్యూస్ ను మాత్రం తీసుకోకూడ‌దు. అలాగే శీత‌ల పానీయాల‌ను కూడా తీసుకోకూడ‌దు. అలాగే మూత్రిపండాల్లో రాళ్ల స‌మ‌స్య ఉన్న వారు సిట్రిక్ యాసిడ్ ఎక్కువ‌గా ఉండే ఆహారాల‌ను తీసుకోవాలి.
నిమ్మ‌కాయ‌లు, నారింజ, వాట‌ర్ మెల‌న్, బ‌త్తాయి వంటి వాటిని ఎక్కువ‌గా తీసుకోవాలి. అలాగే మూత్రపిండాల్లో రాళ్ల స‌మ‌స్య‌తో బాధ‌ప‌డే వారు క్యాల్షియం ఉండే ఆహారాల‌ను ఎక్కువ‌గా తీసుకోవాలి. అన‌గా పాలు, పాల ప‌దార్థాలు, పెరుగు, మ‌జ్జిగ వంటి వాటిని తీసుకోవాలి. అలాగే విటమిన్ బి6 ఉండే ఆహారాల‌ను కూడా ఎక్కువ‌గా తీసుకోవాలి. విటమిన్ బి6 ఆక్స‌లేట్స్ ను త‌గ్గిస్తుంది. క‌నుక మూత్రపిండాల్లో రాళ్లు ఉన్న‌వారు విటమిన్ బి6 ఉండే ఆహారాల‌ను తీసుకోవ‌డం మంచిది. విటమిన్ బి6 అర‌టిపండ్లు, అవ‌కాడో, ఓట్స్, సోయాబీన్స్, మామిడికాయ‌ల‌ల్లో ఎక్కువ‌గా ఉంటుంది. అదే విధంగా మూత్రపిండాల్లో రాళ్లు ఉన్న వారు వాల్ న‌ట్స్, అవిసె గింజ‌లతో పాటు ఆక్స‌లేట్స్ త‌క్కువ‌గా ఉండే బియ్యం, ప‌ప్పు ధాన్యాలు, క్యారెట్, కాక‌ర‌కాయ వంటి వాటిని తీసుకోవాలి. ఇక మూత్రపిండాల్లో రాళ్లు ఉన్న వారు ఉప్పును త‌క్కువ‌గా తీసుకోవాలి. ఉప్పు ఎక్కువ‌గా ఉండే ప‌చ్చ‌ళ్లు, చిప్స్, జంక్ ఫుడ్ కు దూరంగా ఉండాలి. అలాగే పంచ‌దార‌ను కూడా త‌క్కువ‌గా తీసుకోవాలి. అంతేకాకుండా ఆక్స‌లేట్స్ ఎక్కువ‌గా ఉండే పాల‌కూర, ట‌మాట, క్యాబేజి, వంకాయ, బీట్ రూట్, బంగాళాదుంప, చాక్లెట్స్ ను త‌క్కువ‌గా తీసుకోవాలి. అలాగే మాంసాన్ని కూడా త‌క్కువ‌గా తీసుకోవాలి. ఈ విధంగా త‌గిన ఆహారాల‌ను తీసుకోవ‌డం వ‌ల్ల మూత్రపిండాల్లో రాళ్ల స‌మ‌స్య మ‌రింత తీవ్ర‌త‌రం కాకుండా ఉంటుంద‌ని నిపుణులు చెబుతున్నారు.
అస్సాం రైఫిల్స్ వారు ప‌లు పోస్టుల్లో ఖాళీగా ఉన్న పోస్టుల‌ను భ‌ర్తీ చేసేందుకు గాను ఆస‌క్తి, అర్హ‌త ఉన్న అభ్య‌ర్థుల…
బ్యాంకుల్లో ఉన్న‌త స్థానాల్లో ఉద్యోగం చేయాల‌ని చూస్తున్నారా..? అయితే మీకు బ్యాంక్ ఆఫ్ బ‌రోడా గొప్ప అవ‌కాశాన్ని క‌ల్పిస్తోంది. ఆ…
బ్యాంకింగ్ రంగంలో ఉద్యోగం చేస్తూ స్థిర‌ప‌డాల‌ని అనుకుంటున్న వారి కోసం యూనియ‌న్ బ్యాంక్ ఆఫ్ ఇండియా శుభ వార్త చెప్పింది.…
ప‌బ్లిక్ సెక్టార్‌కు చెందిన భార‌త్ ఎల‌క్ట్రానిక్స్ లిమిటెడ్ (BEL) ప‌లు విభాగాల్లో ఖాళీగా ఉన్న పోస్టుల భ‌ర్తీకి గాను ఆస‌క్తి,…
దేశంలోని ప్ర‌ముఖ ప‌బ్లిక్ సెక్టార్ బ్యాంకుల్లో ఒకటైన బ్యాంక్ ఆఫ్ బ‌రోడా ఆస‌క్తి, అర్హ‌త ఉన్న అభ్య‌ర్థుల నుంచి ప‌లు…
రైల్వేలో ఉద్యోగం చేయాల‌నుకుంటున్నారా..? అయితే మీకు రైల్వే రిక్రూట్‌మెంట్ బోర్డు శుభ‌వార్త చెప్పింది. ప‌లు విభాగాల్లో ఖాళీగా ఉన్న పోస్టుల…
ఇండియ‌న్ ఎయిర్ ఫోర్స్‌లో ప‌నిచేయాల‌ని అనుకుంటున్నారా..? అయితే ఇది మీకు ఒక గొప్ప అవ‌కాశం అని చెప్ప‌వ‌చ్చు. ఇండియ‌న్ ఎయిర్…
పోస్ట‌ల్ శాఖ‌లో ఉద్యోగం చేయాల‌ని అనుకుంటున్నారా..? అయితే ఈ స‌ద‌కాశం మీకోస‌మే. త‌పాలా శాఖ వారు భారీ ఎత్తున ఉద్యోగ…