Dragon Fruit : మీకు డ్రాగన్ ఫ్రూట్ గురించి తెలుసా..? ఏంటీ.. డ్రాగన్ ఫ్రూటా.. ఎప్పుడు పేరు వినలేదే..! అని ఆశ్చర్యపోతున్నారా..? అయినా నిజమే. ఈ పండు ఉంది. నేటి తరుణంలో ఎక్కడ చూసినా దీని గురించి చాలా మంది చర్చించుకుంటున్నారు. అయితే అసలు డ్రాగన్ ఫ్రూట్ అంటే ఏమిటి ? అది ఎలా ఉంటుంది ? దాని వల్ల మనకు ఎలాంటి లాభాలు కలుగుతాయి ? అనే వివరాలను ఇప్పుడు తెలుసుకుందాం. డ్రాగన్ ఫ్రూట్ చూసేందుకు పింక్ రంగులో ఉంటుంది. దీన్ని హిందీలో పిటాయా అని పిలుస్తారు. చూసేందుకు డ్రాగన్ను పోలిన ఆకృతి ఉంటుంది కనుకనే దీన్ని డ్రాగన్ ఫ్రూట్ అని పిలుస్తారు.
డ్రాగన్ ఫ్రూట్ ఎక్కువగా ఆసియాలోని కొన్ని ప్రాంతాలు, అమెరికా, ఆస్ట్రేలియాలలో పండుతుంది. ఇక ఈ పండు రుచి కివీ, పైనాపిల్లను పోలి ఉంటుంది. ఈ క్రమంలోనే డ్రాగన్ ఫ్రూట్ తినడం వల్ల మనకు ఎలాంటి లాభాలు కలుగుతాయో ఇప్పుడు తెలుసుకుందాం. డ్రాగన్ ఫ్రూట్స్ తినడం వల్ల శరీరంలో ఉన్న చెడు కొలెస్ట్రాల్ పోతుంది. మంచి కొలెస్ట్రాల్ పెరుగుతుంది. అధిక బరువు తగ్గుతారు. గుండె సమస్యలు రాకుండా ఉంటాయి. వీటిల్లో ఉండే ఒమెగా 3 ఫ్యాటీ యాసిడ్లు గుండె ఆరోగ్యానికి మేలు చేస్తాయి. డ్రాగన్ ఫ్రూట్లో ఫైబర్ పుష్కలంగా ఉంటుంది. ఇది జీర్ణ సమస్యలను పోగొడుతుంది. గ్యాస్, అసిడిటీ, మలబద్దకం తగ్గుతాయి. తిన్న ఆహారం సరిగ్గా జీర్ణమవుతుంది.
డ్రాగన్ ఫ్రూట్లో యాంటీ ఆక్సిడెంట్లు కూడా సమృద్ధిగానే ఉంటాయి. ఇవి శరీర రోగ నిరోధక వ్యవస్థను పటిష్టం చేస్తాయి. ఇన్ఫెక్షన్ల నుంచి మనల్ని రక్షిస్తాయి. క్యాన్సర్ కణాలను నాశనం చేస్తాయి. దీంతో క్యాన్సర్ వ్యాధుల బారిన పడకుండా జాగ్రత్తగా ఉండవచ్చు. రక్త సరఫరా మెరుగుపడుతుంది. బీపీ కంట్రోల్ అవుతుంది. పొటాషియం ఎక్కువగా ఉన్నందున హార్ట్ సమస్యలు రావు. హార్ట్ ఎటాక్లు, స్ట్రోక్స్ రాకుండా ఉంటాయి. డ్రాగన్ ఫ్రూట్ వల్ల చర్మం కాంతివంతంగా, మృదువుగా మారుతుంది. దీంతో వృద్ధాప్య ఛాయలు అంత త్వరగా రావు. డ్రాగన్ ఫ్రూట్లో విటమిన్ సి కూడా ఎక్కువగా ఉంటుంది. ఇది శరీర రోగ నిరోధక వ్యవస్థను మెరుగు పరుస్తుంది. దంతాలు, చిగుళ్ల సమస్యలు పోతాయి. శ్వాసకోశ సమస్యల నుంచి ఉపశమనం లభిస్తుంది. కనుక ఈ పండ్లను రోజుకు ఒకటి తిన్నా చాలు.. ఎన్నో ప్రయోజనాలను పొందవచ్చు.
Aquarium In Home : మానవులకు పెంపుడు జంతువులతో చాలా కాలంగా అనుబంధం ఉంది. కొన్ని అధ్యయనాల ప్రకారం పెంపుడు…
Animals In Dreams : ప్రతి ఒక్కరు నిద్రపోతున్న సమయంలో కలలు కనడం సహజం. ఇందులో కొన్ని కలలు మన…
Death Person Items : మనిషి పుట్టిన తరువాత మరణించక తప్పదు. పుట్టుక, చావు అనేవి మన చేతుల్లో ఉండవు.…
Diabetes Health Tips : మారిన జీవన విధానం, ఆహారపు అలవాట్ల కారణంగా తలెత్తుతున్న అనారోగ్య సమస్యలల్లో షుగర్ వ్యాధి…
Gents Bath : మనం రోజూ అనేక పనులను చేస్తూ ఉంటాము. మనం చేసే ఈ పనులల్లో మనకు తెలిసీ,…
Garikapati Narasimha Rao : మనలో చాలా మంది ఇష్టంగా తినే చిరుతిళ్లల్లో పానీపూరీ కూడా ఒకటి. చిన్న, పెద్దా…
Nalleru Podi : మనకు ప్రకృతి ప్రసాదించిన దివ్యౌషధ మొక్కలల్లో నల్లేరు మొక్క కూడా ఒకటి. నల్లేరు మొక్కలో ఎన్నో…
Heart Health Foods : నేటి తరుణంలో మనలో చాలా మంది గుండె సంబంధిత సమస్యలతో బాధపడుతున్నారు. హార్ట్ బ్లాక్స్,…