Salaar OTT : దిమ్మ తిరిగే రేటుకి స‌లార్ ఓటీటీ హ‌క్కులు.. ఎందులో స్ట్రీమింగ్ కానుంది అంటే..!

Salaar OTT : గ‌త కొద్ది రోజులుగా దేశ వ్యాప్తంగా స‌లార్ మ్యానియా న‌డుస్తుంది. ఈ రోజు స‌లార్ చిత్రం భారీ ఎత్తున ప్రేక్ష‌కుల ముందుకు రాగా, ఈ మూవీ మంచి ఆద‌ర‌ణ ద‌క్కించుకుంటుంది. హైదరాబాద్ లోని అన్ని థియేటర్ల వద్ద సలార్ మేనియా కనిపిస్తోంది. గత అర్ధ రాత్రి నుంచే థియేటర్స్ హోరెత్తిపోతుండ‌గా, ప్ర‌భాస్ ఫ్యాన్స్ అయితే ఆనందంలో మునిగి తేలుతున్నారు. ప్ర‌స్తుతం స‌లార్ థియేట‌ర్స్ ద‌గ్గ‌ర సంద‌డి వాతావ‌ర‌ణం నెల‌కొని ఉండ‌గా, తాజాగా ఈ మూవీకి సంబంధించిన ఓ వార్త ఇప్పుడు నెట్టింట హ‌ల్‌చ‌ల్ చేస్తుంది.

‘సలార్’ డిజిటల్ స్ట్రీమింగ్ హక్కులను ప్రముఖ ఓటీటీ వేదిక నెట్‌ఫ్లిక్స్ సొంతం చేసుకుంది. తెలుగుతో పాటు హిందీ, కన్నడ, మలయాళ, తమిళ భాషల్లో సినిమాను విడుదల చేశారు. నెట్‌ఫ్లిక్స్ ఓటీటీలో ఆ ఐదు భాషల్లోనూ సినిమా స్ట్రీమింగ్ కానుంది. ‘సలార్’ థియేటర్లలో విడుదల అయ్యే వరకు ఓటీటీ పార్ట్నర్ ఎవరు? అనేది సీక్రెట్‌గా ఉంచారు. అయితే సిల్వర్ స్క్రీన్ మీద తమ డిజిటల్ స్ట్రీమింగ్ పార్ట్నర్ నెట్‌ఫ్లిక్స్ అని అనౌన్స్ చేయ‌డంతో ఆ ప్లాట్‌ఫాంలో స‌లార్ స్ట్రీమింగ్ కానుంద‌ని అర్ధ‌మ‌వుతుంది. ఇక ఈ సినిమా కోసం సుమారు 200 కోట్లకు అటు ఇటుగా డీల్ జరిగిందని టాక్. ఈ సినిమా డిజిటల్ రైట్స్ విషయంలో సరికొత్త రికార్డు క్రియేట్ చేసిందని ఇండస్ట్రీ వర్గాలు చెబుతున్నాయి.

కేజీఎఫ్ ఫేమ్ ప్రశాంత్ నీల్ దర్శకత్వంలో రెండు పార్ట్‌లుగా స‌లార్ తెర‌కెక్కింది. సలార్ పార్ట్ 1 సీజ్ ఫైర్ అంటూ ఈ మూవీ నేడు ప్రేక్ష‌కుల ముందుకు వ‌చ్చింది. అర్ధరాత్రి నుంచే నైజాం ఏరియాలోని 20 థియేటర్లలో బెనిఫిట్ షోలు పడ్డాయి. సామాన్యులే కాదు సెల‌బ్రిటీలు సైతం స‌లార్ చిత్రాన్ని థియేట‌ర్స్‌లో చూసి ఫుల్‌గా ఎంజాయ్ చేస్తున్నారు. హీరో నితిన్, శ్రీవిష్ణు థియేటర్‌లో సలార్ ఎంజాయ్ చేస్తున్న వీడియోలు నెట్టింట్లో చక్కర్లు కొడుతున్నాయి. వ‌రుస ఫ్లాపుల త‌ర్వాత ప్ర‌భాస్‌కి పెద్ద హిట్ రావ‌డంతో అంద‌రు సంతోషం వ్య‌క్తం చేస్తున్నారు.