Rajeev Kanakala : సుమ అంటే తెలియని వారు ఎవరూ ఉండరు. ఆమె అంతలా బుల్లితెరను ఏలేస్తుంది. ఆమె మళ‌యాళీ అయినా తెలుగు చాలా స్వచ్ఛంగా మాట్లాడుతూ తెలుగు అమ్మాయిలా మనలో కలిసి పోయింది. ఒకవైపు బుల్లితెరపై షో లు చేస్తూనే మరోవైపు సినిమా ఫంక్షన్లు చేస్తూ చాలా బిజీగా ఉంది. అయితే ఆమె ఈ మ‌ధ్య ఎందుకో మాట‌ల‌ను మాట్లాడే ముందు ఆలోచించ‌డం లేద‌ని అనిపిస్తోంది. ఆమె మాట‌ల వల్ల హీరోలు అయోమ‌యంలో ప‌డిపోవాల్సిన పరిస్థితి వ‌స్తోంది.
మొన్నీ మ‌ధ్యే క‌ల్యాణ్ రామ్ అమిగోస్ సినిమా ప్రీ రిలీజ్ వేడుక సందర్భంగా జూనియ‌ర్ ఎన్‌టీఆర్‌ను త‌న 30వ సినిమా అప్‌డేట్ ఇవ్వ‌మ‌ని సుమ అంద‌రి ముందు వేదిక‌పైనే అడిగేసింది. దీంతో ఎన్‌టీఆర్ అస‌హ‌నంగా ఫీల‌వుతూ.. ఫ్యాన్స్ అడ‌గ‌కున్నా మీరే చెప్పించేలా ఉన్నారు.. అంటూ చుర‌క‌లంటించారు. అలాగే మ‌రో ఫంక్ష‌న్‌లోనూ ఇలాగే మాట్లాడిన సుమ హీరోను ఇబ్బందికి గురి చేసింది. అయితే ఇవి ప‌క్క‌న పెడితే ఆమె బెస్ట్ యాంక‌ర్ అని చెప్ప‌వ‌చ్చు. ఇక సుమ గ‌తంలో ఒక‌సారి త‌న పుట్టినరోజు సందర్భంగా మాట్లాడుతూ త‌న భర్త రాజీవ్ కనకాలతో ప్రేమ, పెళ్లి గురించి కొన్ని ఆసక్తికరమైన విషయాలను చెప్పింది.
రాజీవ్, సుమ 1999వ సంవత్సరంలో పెళ్లి చేసుకున్నారు వీరి ప్రేమ ప్రయాణం 1994వ సంవత్సరంలో మొదలైంది. మొదట రాజీవ్ ప్రపోజ్ చేశాడు, సుమ మొదట్లో రిజెక్ట్ చేసింది ఆ తర్వాత ఓకే చేసింది. అప్పుడు రాజీవ్ ఒక కండిషన్ పెట్టాడు. పెళ్ళి తరువాత సినిమాలు చేయడం మానేయల‌ని అన్నాడు. దాంతో సుమ పెళ్లి చేసుకోను అని చెప్పి రాజీవ్‌తో సంవత్సరంన్నర పాటు మాట్లాడలేదు. ఆ సమయంలో రెండు మూడు సినిమాలు చేసింది. అయితే అవి ఫ్లాప్ అయ్యాయి. దీంతో సినిమా రంగం నచ్చలేదు. సినిమాలను వదిలేసింది. అప్పుడు రాజీవ్ తో మాట్లాడి తమ ప్రేమ గురించి రాజీవ్ తండ్రి దేవదాస్ కనకాలతో మాట్లాడి 99 లో పెళ్లి చేసుకున్నారు. తనకు రాజీవే మొదటి విమర్శకుడనీ, ఏవైనా కార్యక్రమాల విషయంలో బాగుంటే చాలా మెచ్చుకుంటాడని చెప్పుకొచ్చింది. ఇక సుమ, రాజీవ్ విడిపోయార‌ని గ‌తంలో వార్త‌లు వ‌చ్చాయి. కానీ అవి పుకార్లేన‌ని వారు స్ప‌ష్టం చేశారు.
