Pulimada OTT Release Date : ఇటీవ‌లి కాలంలో మ‌ల‌యాళం సినిమాలు లేదంటే వెబ్ సిరీస్‌లు ఎంత సెన్సేష‌న్ క్రియేట్ చేస్తున్నాయో ప్ర‌త్యేకంగా చెప్ప‌న‌క్క‌ర్లేదు.ఏ మ‌ల‌యాళీ సినిమా వ‌చ్చిన కూడా వాటికి బ్ర‌హ్మ‌ర‌థం ప‌డుతున్నారు. అయితే ఇటీవ‌ల ఓ మ‌ల‌యాళీ చిత్రం థియేట‌ర్స్‌లో విడుద‌లై మంచి విజ‌యం సాధిచింది. ఆ చిత్రం పులిమడ. రాజేశ్ దామోదరన్ నిర్మించిన ఈ సినిమాకి, సజన్ దర్శకత్వం వహించాడు. ఇషాన్ దేవ్ బాణీలను సమకూర్చిన ఈ సినిమాకి. అనిల్ జాన్సన్ నేపథ్య సంగీతాన్ని అందించాడు. చిత్రంలో జోజు జార్జ్ కథానాయకుడిగా నటించగా, అతని భార్య పాత్రలో ఐశ్వర్య రాజేశ్ కనిపించింది.
ఈ చిత్రం అక్టోబర్ 26వ తేదీన థియేటర్లలోకి రాగా, ఈ మూవీ ఆశించిన స్థాయిలో ప్రేక్షకులకు కనెక్ట్ కాలేకపోయింది. అలాంటి ఈ సినిమా ఈ నెల 23వ తేదీ నుంచి ఐదు భాషల్లో నెట్ ఫ్లిక్స్ లో స్ట్రీమింగ్ ను జరుపుకునేందుకు సిద్ధ‌మైంది. గురువారం (నవంబర్ 23) నెట్‌ఫ్లిక్స్ లోకి రాబోతోంది. ఈ సినిమా కోసం ప్రేక్ష‌కులు ఎంతో ఆస‌క్తిగా ఎదురు చూస్తున్నారు. ఈ సినిమాలో హీరో మానసిక స్థితి సరిగ్గా లేని తన తల్లి ఆలనా పాలన చూస్తుంటాడు. కొన్ని కారణాల వలన అతని భార్య వేరే వ్యక్తితో వెళ్లిపోతుంది. ఊహించని ఆ సంఘటన హీరో జీవితాన్ని ఎలా ప్రభావితం చేస్తుంది? అప్పుడు అతను ఎలాంటి నిర్ణయం తీసుకుంటాడు? అనేది మిగతా కథ. ఓటీటీ వైపు నుంచి ఈ సినిమాకి ఎలాంటి రిజల్టును రాబడుతుందనేది చూడాలి.
పులిమడ మూవీలో నటీనటుల నటన, సినిమాటోగ్రఫీ, ప్రేక్షకులని ఎంత‌గానో క‌ట్టిప‌డేసాయి. ముఖ్యంగా విన్సెంట్ స్కారియాగా జోజు జార్జ్ నటన సూప‌ర్భ్‌గా అనిపించింది. అతడు ఈ పాత్రలో పూర్తిగా ఒదిగిపోయాడు. అటు ఇప్పటికే ఎన్నో సినిమాల్లో తన నటనతో మెప్పించిన ఐశ్వర్య రాజేష్ ఈ సినిమాలో మాహిష్మతిగా నటించి ప్ర‌తి ఒక్కరిని అల‌రించింది. పులిమడలోని ఈ లీడ్ క్యారెక్టర్లు సినిమా అంతా ఎంతో ఆసక్తి రేపేలా ఉండ‌డంతో మూవీని చూసేందుకు ప్ర‌తి ఒక్క‌రు ఆస‌క్తిగా ఎదురు చూస్తున్నారు.
