Samantha : సమంత ఊ… కొట్టిన పాటకి ఎంత ఖర్చయ్యిందో తెలిస్తే ఉలిక్కిప‌డాల్సిందే..!

Samantha : సుకుమార్ – అల్లు అర్జున్ కాంబినేషన్ లో రిలీజ్ కి ముస్తాబైన మూవీ పుష్ప. ఈ నెల 17న 5 భాషల్లో విడుదల కాబోతుంది. అల్లు అర్జున్, రష్మిక నటిస్తున్న ఈ సినిమా లో సునీల్, అనసూయ, ఫాజిల్ ముఖ్య పాత్రలు పోషిస్తున్నారు. దేవి శ్రీ ప్రసాద్ ఈ సినిమాకి అందించిన పాటలు ఇప్పటికే కుర్రకారులో హుషారు తెప్పిస్తున్నాయి.

సుకుమార్ సినిమాల్లో ఐటమ్‌ సాంగ్స్ కి ప్రత్యేకమైన క్రేజ్ ఉంటుంది. దేవి శ్రీ ప్రసాద్ కంపొజిషన్ లో ఆ పాటలు సూపర్ డూపర్ హిట్ గా నిలిచాయి కూడా. ఆ అంటే అమలాపురం, రింగ రింగా, డియ్యాలో డియ్యాలో, లండన్ బాబు, జిగేల్ రాణి లాంటి పాటలు ఆ కోవ లోకే వస్తాయి. పుష్ప సినిమాకి కూడా ఒక ఐటమ్‌ సాంగ్ ని రెడీ చేశారు సుకుమార్. “ఊ అంటావా మావ , ఊహు అంటావా మావ ” అని సాగే పాటలో స్టార్ హీరోయిన్ సమంత ఆడి పాడింది. ఆ పాట విడుదల అయినప్పటినుండి ఫుల్ ట్రెండింగ్ లో ఉంటూ సరికొత్త రికార్డ్స్ క్రియేట్ చేస్తున్నది.

యూట్యూబ్ లో విడుదలై 34 మిలియన్స్ కి పైగా వ్యూస్ సంపాదించింది. ఈ పాటకి సమంత లుక్స్, ఎక్స్ ప్రెషన్స్ హైలైట్ గా నిలిచాయి. ఇక ఇప్పుడు ఈ పాటకి సంబంధించిన మరో విషయం హల్‌చల్ చేస్తుంది. అదే ఈ పాటకి అయిన ఖర్చు గురించి. సెట్ వేసి, ఒక వారంలోనే అంతా పూర్తి చేసిన ఈ పాటకి 5 కోట్ల వరకు ఖర్చు అయ్యిందంట ప్రొడ్యూసర్స్ కి.

సమంత ఫస్ట్ టైం ఐటమ్‌ సాంగ్ లో ఆడి పాడినందుకు కోటి రూపాయలు తీసుకుందని సమాచారం. మొత్తానికి ఈ పాట కోసం ఒక చిన్న సినిమా బడ్జెట్ అంత ఖర్చుపెట్టారు. ఇక స్క్రీన్ మీద ఈ ఖరీదైన పాట ఎలా ఉంటుందో చూడాలంటే 17 వరకు ఆగాల్సిందే.