Extra Ordinary Man OTT : టాలీవుడ్ ఇండ‌స్ట్రీలో కొందరు హీరోలు మాత్రమే హిట్లు ఫ్లాపులతో ఏమాత్రం సంబంధం లేకుండా సినిమాలు చేస్తున్నారు. అలాంటి వారిలో యూత్ స్టార్ నితిన్ ఒకడు కాగా, ఇటీవ‌లి కాలంలో ఆయ‌న‌కి మంచి విజ‌యాలు ద‌క్క‌లేదు. ఇటీవలే ‘ఎక్స్‌ట్రా ఆర్డినరీ మ్యాన్’ అనే సినిమాతో ప్రేక్షకుల ముందుకు రాగా, ఈ చిత్రం పెద్ద దెబ్బ కొట్టింది. వక్కంతం వంశీ తెరకెక్కించిన ఈ సినిమాను శ్రేష్ట్ మూవీస్ బ్యానర్‌పై సుధాకర్ రెడ్డి, నిఖితా రెడ్డిలు నిర్మించారు. శ్రీలీల హీరోయిన్‌గా చేసిన ఈ మూవీలో రాజశేఖర్ సర్‌ప్రైజింగ్ రోల్ చేశారు. అలాగే, రావు రమేష్, సుదేవ్ నాయర్ తదితరులు నటించారు. హరీష్ జయరాజ్ మ్యూజిక్ ఇచ్చాడు.
నితిన్ – వక్కంతం వంశీ కాంబినేషన్‌లో రూపొందిన ‘ఎక్స్‌స్ట్రా ఆర్డినరీ మ్యాన్’ మూవీకి మొద‌టి రోజే మిక్స్‌డ్ టాక్ రావడంతో ప్రేక్షకుల నుండి ఆదరణ పెద్దగా లభించడం లేదు. ఫలితంగా ఓపెనింగ్స్ ఆశించిన రీతిలో రాలేదు. ఆ తర్వాత కూడా స్పందన లేకపోవడంతో ఈ క్రేజీ మూవీకి వసూళ్లు మరీ తక్కువగానే వచ్చాయి. ఫలితంగా ఇది డిస్ట్రిబ్యూటర్లకు నష్టాలనే మిగిల్చింది. ఎక్స్‌ట్రా ఆర్డినరీ మ్యాన్ ఓటీటీ హ‌క్కుల‌ను నెట్‌ఫ్లిక్స్ సొంతం చేసుకున్న‌ట్లు తెలుస్తుండ‌గా, సంక్రాంతి వీక్ నుంచే నితిన్ మూవీ నెట్‌ఫ్లిక్స్‌లో స్ట్రీమింగ్ కాబోతున్న‌ట్లు స‌మాచారం.
చిత్రంలో లో నితిన్ జూనియ‌ర్ ఆర్టిస్ట్‌గా, పోలీస్ ఆఫీస‌ర్‌గా డిఫ‌రెంట్ షేడ్స్‌తో కూడిన రోల్‌లో న‌టించి మెప్పించాడు. అయితే కామెడీ వ‌ర్క‌వుట్ అయినా క‌థలో బ‌లం లేకపోవడంతో ఎక్స్‌ట్రా ఆర్డినరీ మ్యాన్ అల‌రించ‌లేక‌పోయింది. ఇందులో క‌థానాయిక‌గా శ్రీలీల న‌టించ‌గా, సీనియ‌ర్ హీరో రాజశేఖర్ పోలీస్ ఆఫీస‌ర్‌గా ఓ ఇంపార్టెంట్ రోల్‌లో క‌నిపించాడు. ఎక్స్‌ట్రా ఆర్డినరీ మ్యాన్ సినిమాకు హ‌రీస్ జైరాజ్ సంగీతాన్ని అందించాడు. నితిన్ తండ్రి సుధాక‌ర్‌రెడ్డి ఈ సినిమాను నిర్మించాడు. డిసెంబర్ 8వ తేదీన థియేటర్లలో విడుదలైన ఈ సినిమా ఓటీటీ విష‌యంపై త్వ‌ర‌లోనే అధికారిక ప్ర‌క‌టన రానుంది.
