ఆ స్టార్ హీరో చేయాల్సిన ఠాగూర్ సినిమాను చిరంజీవి లాక్కున్నారా..? తెర వెనుక అస‌లు ఏం జ‌రిగింది..?

ఏ రచయిత, దర్శకుడైనా గానీ ఒక హీరోని తన దృష్టిలో పెట్టుకుని కథను మలచుకోవడం అనేది సర్వసాధారణం. ఈ హీరో అయితే ఈ చిత్రానికి సరిపోతాడు అనుకుంటూ ఊహించుకుంటూ కథను మలచుకుంటుంటారు రచయితలు . కానీ వాళ్ళు అనుకున్న వాటికి భిన్నంగా ఒక్కోసారి కథలో మార్పులు చేర్పులు చేయడం అనేవి జరుగుతుంటాయి. ఈ సమయాల్లో వారు ఊహించుకున్న స్టార్ హీరోకు బదులుగా మరొక హీరోని పెట్టి చిత్రాలను తీయవలసి వస్తోంది. దర్శకుడు వారు ఊహించుకున్న హీరోకి కథ నచ్చకపోవడం, లేకపోతే డేట్స్ అడ్జస్ట్ కాకపోవడం వంటివి కారణాలు కావచ్చు. అప్పుడప్పుడూ ఒక హీరో వదులుకున్న ఆ చిత్రాలే బ్లాక్ బస్టర్ హిట్స్ గా నిలుస్తాయి.

2003 లో ఇండస్ట్రీ లో బిగ్గెస్ట్ హిట్ అయిన చిత్రాలలో ఠాగూర్ చిత్రం కూడా ఒకటి. మెగాస్టార్ చిరంజీవి నటించిన ఠాగూర్ చిత్రం అవినీతిని అరికట్టే పవర్ ఫుల్ కథాంశంతో ప్రేక్షకుల ముందుకు వచ్చి బాక్సాఫీస్ వద్ద కలెక్షన్ల వర్షం కురిపించింది. అప్పట్లో చిరంజీవి ఈ చిత్రంలో చెప్పిన ప్రతి డైలాగ్ కూడా ఎంతో పాపులర్ అయ్యాయి. చిరంజీవి ఠాగూర్ చిత్రంలో చెప్పే ప్రతీ డైలాగ్ కు చూసే ప్రేక్షకులతో థియేటర్లలో విజిల్స్ వేయించాయి. ఈ చిత్రంలో చిరంజీవి సరసన శ్రియ శరణ్, జ్యోతిక హీరోయిన్లుగా నటించారు. షియాజీ షిండే, ప్రకాష్ రాజ్, ఎమ్మెస్ నారాయణ, సునీల్ వంటి వారు ప్రధాన తారాగణంగా నటించారు. ప్రతి ఒక్కరు తమ‌ అద్భుతమైన నటనతో ప్రేక్షకులను ఎంతగానో ఆకట్టుకున్నారు. తమిళంలో సక్సెస్ ను అందుకున్న రమణ చిత్రానికి రీమేక్ నే మన తెలుగు ఠాగూర్ చిత్రం.

కానీ ఠాగూర్ వంటి బ్లాక్ బస్టర్ హిట్ ను ఒక హీరో మిస్ చేసుకొని చాలా పెద్ద తప్పు చేశారు. అతనే యాంగ్రీ యంగ్ మ్యాన్ రాజశేఖర్. మొదట ఠాగూర్ చిత్ర కథను దర్శకుడు వి.వి.వినాయక్ హీరో రాజశేఖర్ కి వినిపించాడట. కానీ అదే టైమ్ లో పలు సినిమాలతో బిజీగా ఉన్న రాజశేఖర్ ఠాగూర్ చిత్రాన్ని వదులుకోవడం జరిగింది. ఆ టైం లో రాజశేఖర్ ఆయుధం చిత్రం షూటింగ్ తో బిజీగా ఉన్నారు. అందువలన ఠాగూర్ చిత్రానికి నో చెప్పేసారు రాజశేఖర్.

దాంతో అదే కథ మెగాస్టార్ చెంతకు వెళ్ళింది. చిరుకి కథ బాగా నచ్చడంతో వెంటనే గ్రీన్ సిగ్నల్ ఇచ్చారట. అలా వి.వి వినాయక్, చిరంజీవి కాంబినేషన్లో ఠాగూర్ సినిమా ప్రేక్షకుల ముందుకు వచ్చింది. ఇక ఠాగూర్ సినిమా మెగాస్టార్ కెరీర్ లోనే ఓ బిగ్గెస్ట్ హిట్ గా నిలిచింది. అయితే అప్పటిలో ఠాగూర్ వంటి సక్సెస్ ఫుల్ కథాంశాన్ని   రాజశేఖర్ నుండి చిరంజీవి లాక్కున్నారని వార్తలు బాగా చెక్కర్లు కొట్టాయి. కానీ ఆ వార్తల్లో ఎలాంటి నిజం లేదని రాజశేఖర్ ఓ ఇంటర్వ్యూ ద్వారా తెలియజేశారు.