ముస్లిం మతస్తులు ప్రపంచవ్యాప్తంగా జరుపుకునే పండుగలలో అతి ముఖ్యమైన పండుగ బక్రీద్. ఈ పండుగనే ఈద్-ఉల్-అధా అని కూడా పిలుస్తారు. ఈ పండుగ రోజు ముస్లిం మతస్తులు అందరూ ఎంతో ఆనందంగా కుటుంబ సభ్యులతో కలిసి ఈ పండుగను జరుపుకుంటారు. బక్రీద్ పండుగ అంటేనే త్యాగానికి ప్రతీకగా ముస్లిం మతస్తులు భావించి ఎంతో భక్తి శ్రద్ధలతో, దాన ధర్మాలతో ఈ పండుగను ఎంతో వేడుకగా జరుపుకుంటారు.
ముస్లిం మతస్తులు ఎంతో పవిత్రంగా భావించే బక్రీద్ పండుగ ఈ ఏడాది 2021 జూలై 21 బుధవారం దేశ వ్యాప్తంగా బక్రీద్ పండుగను జరుపుకుంటారు. ఇస్లామిక్ పవిత్ర తీర్థయాత్ర లేదా హజ్ నెల చివరిలో బక్రీద్ పండుగను జరుపుకుంటారు. బక్రీద్ పండుగ రోజు ముస్లిం మతస్తులు గొర్రె లేదా మేకను బలి ఇచ్చి వాటిని మూడు భాగాలుగా చేసి, ఒక భాగాన్ని ఇతరులకు దానం చేయడమే ఈ పండుగ ముఖ్య ఉద్దేశం. ఈ విధంగా ముస్లిం దానధర్మాలు చేయడానికి కూడా కారణం ఉంది. దేవుడి ఆజ్ఞ మేరకు ప్రవక్త ఇబ్రహీం బలి కావడానికి సిద్ధంగా ఉన్న సమయంలో దేవుడి ఆత్మ ప్రకారం తన బలికి బదులుగా, గొర్రెలను బలి ఇవ్వమని చెప్పడంతో, ఈ పండుగ రోజు పెద్ద ఎత్తున గొర్రె లేదా మేకను బలి ఇస్తారు.
ఈ పండుగ రోజు ముస్లిమ్స్ తమ కుటుంబ సభ్యులకు, బంధుమిత్రులకు పండుగ రోజు శుభాకాంక్షలు తెలుపుకుంటూ మసీదుకు వెళ్ళి ప్రత్యేక ప్రార్థనలు చేస్తారు. ఈరోజు ప్రార్థనల అనంతరం ఎవరి స్తోమతకు తగ్గట్టుగా దానధర్మాలను చేసి సంతోషంగా గడుపుతారు. అదే విధంగా మరణించిన ముస్లిం పెద్దల సమాధి వద్దకు వెళ్లి సమాధి ముందు వారికి ఇష్టమైన ఆహార పదార్థాల నుంచి ప్రత్యేక పూజలు చేస్తారు. ఇలా చేయటం వల్ల వారి ఆత్మ సంతోషిస్తుందని భావిస్తారు. ఈ విధంగా ముస్లిం మతస్తులు బక్రీద్ పండుగను ఎంతో ఘనంగా జరుపుకుంటారు.
