Lord Hanuman : హనుమంతుడి తోకకి గంట ఎందుకు ఉంటుంది..? దాని వెనుక ఇంత పెద్ద కథ ఉందని తెలుసా..?

Lord Hanuman : హనుమంతుడి తోకకి గంట ఉండడాన్ని మీరు ఎప్పుడైనా చూశారా..? అసలు ఎందుకు హనుమంతుడి తోకకి గంట ఉంటుందో ఈరోజు చూద్దాం. సీతమ్మని ఎత్తుకెళ్లిపోవడంతో రాముడు సీతమ్మ గురించి వెతుకుతూ ఉంటారు. అయితే రామచంద్రునికి వానరులైన సుగ్రీవుడు, హనుమంతుడితో చెలిమి కుదురుతుంది. వానర రాజుగా అన్న స్థానంలో ఉన్న సుగ్రీవుడు సీతమ్మని వెతకడానికి నాలుగు వైపులా వానరుల్ని పంపుతాడు. యుద్ధం తప్ప మరే మార్గం లేదని రాముడు క‌పి సైన్యాన్ని, భల్లూకములతో జతకూర్చాడు. యుద్దానికి వెళ్తున్న వారంతా కూడా ఆఖరి సారి వారి వాళ్ళని చూసుకోవడం చూసిన రాముడు కరిగిపోయాడు.

మీరు మీ వాళ్ళందర్నీ కూడా వదిలేసి యుద్ధానికి వస్తున్నారు. నేను ఎవరి రుణాన్ని ఉంచుకొని, అందర్నీ మళ్ళీ తిరిగి క్షేమంగా తీసుకొస్తానని రాముడు చెప్తాడు. రామసేవ కోసం సుగ్రీవుడు, ఆంజనేయుడు, అంగదుడు వంటి మహోన్నతకాయులతోపాటుగా సింగిలీకులు అని పిలవబడే పొట్టి మరుగుజ్జు కోతులు కూడా వచ్చాయి. ఇవి కేవలం ఒక్క అడుగు ఎత్తు మాత్రమే ఉంటాయి. వీటికి పదునైన గోళ్లు ఉంటాయి. అవే వాటి ఆయుధాలు. కొన్ని వందల సింగిలీకులు కలిపి గుంపులుగా శత్రువుల మీద దాడి చేస్తాయి. గోళ్ళతో రక్కుతాయి. పళ్ళతో కొరుకుతాయి.

కుంభకర్ణుడు హాయిగా నిద్రపోతున్నాడు. ఎత్తయిన మహారథంలో కూర్చుని యుద్ధానికి వచ్చాడు. ఆ రథం పైభాగంలో ఉన్న గొడుగుకి చిన్న చిన్న గంటలు ఉన్నాయి. కుంభకర్ణుడి చెయ్యి తగిలి ఒక గంట కింద పడుతుంది. ఆ సమయంలో వెయ్యి మంది సింగిలీక కోతులు గుంపులుగా వెళ్తాయి. కుంభకర్ణుడి రథం కింద తెగిన గంట వీటి మీద పడిపోతుంది. ఆ వెయ్యి కోతులు గంట కింద ఇరుక్కుపోతాయి. చీకటి పడిపోతుంది. వీటికి ఏమో భయం వేస్తుంది.

ఎవరూ రాకపోవడంతో ఇక మాట్లాడుకుంటాయి. యుద్ధానికి ఎందుకు వచ్చాము అనుకోవడం అలానే రాముడిని కూడా ఏవేవో మాటలు అంటాయి. ఈలోగా ఒక ముసలి కోతి అనవసరంగా ఆడిపోసుకోవడం వలన ఉపయోగం లేదు. రామనామ స్మరణ చేద్దాము అని అనేసరికి ఇవన్నీ మొదలు పెడతాయి. ఈలోగా బయట రాముడు రావణుడిని సంహరించాడు.

రాముడు సీతమ్మని చేపట్టాడు. అందరూ ఉన్నారా లేదా అని లెక్క పెట్టుకుంటే వెయ్యి కోతులు తక్కువగా ఉన్నాయని తెలుస్తుంది. అంతలో ఒక గంటపై దృష్టి పడుతుంది. వెంటనే రాముడు హనుమా అని అంటాడు. తోకను పెంచి గంటను పైకి లేపాడు హనుమంతుడు. ఆ గంట కింద ఉన్న వెయ్యి కోతులు కూడా బయటికి వచ్చేస్తాయి. అయితే రాముడు మాట తప్పడు అని అనడానికి ఉదాహరణగా నిలిచే ఈ కోతుల కథకు గుర్తుగా, తోకతో గంటను కలిగిన రూపాన్ని ఎవరు ప్రార్థిస్తారో వాళ్లకి అనుగ్రహం రెండింతలు లభిస్తుందని వరం ఇస్తాడు రాముడు. ఇదీ హనుమంతుడి తోకకి ఉన్న గంట వెనుక కథ.