ఏ గ్రహదోషంతో బాధపడే వారు.. ఎలాంటి వినాయకుడిని పూజించాలో తెలుసా ?

సాధారణంగా వినాయకుడిని ప్రథమ పూజ్యుడిగా భావించి ప్రత్యేక పూజలను నిర్వహిస్తారు. అదేవిధంగా మనం ఏ కార్యం చేయాలన్నా ముందుగా వినాయకుడికి పూజ చేయటం వల్ల ఆ కార్యంలో ఎలాంటి ఆటంకాలు రాకుండా కాపాడుతాడని భక్తులు విశ్వసిస్తారు. అందుకే ముందుగా వినాయకుడికి పూజలు నిర్వహిస్తారు. అయితే ప్రతి ఒక్కరి జీవితంలో ఎన్నో గ్రహ దోషాలు ఉంటాయి. ఈ క్రమంలోనే ఏ విధమైనటువంటి గ్రహదోషంతో బాధపడే వారు ఎలాంటి వినాయకుడిని పూజించాలో ఇప్పుడు తెలుసుకుందాం.

*సూర్య గ్రహదోషంతో బాధపడేవారు ఎర్రచందనంతో తయారు చేసిన గణపతిని పూజించాలి.

*చంద్ర గ్రహదోషంతో బాధపడేవారు తెల్లని పాల రాయితో తయారు చేసిన వినాయకుడిని పూజించాలి.

* కుజ గ్రహదోషంతో బాధపడేవారు రాగితో తయారు చేసిన వినాయకుడిని పూజించాలి.

* బుధ గ్రహదోషంతో బాధపడేవారు మరకత గణపతిని పూజించాలి.

*గురు గ్రహదోషంతో బాధపడే వారు పసుపుతో తయారుచేసిన వినాయకుడికి పూజ చేయాలి.

*శుక్ర గ్రహదోషంతో బాధపడేవారు స్పటిక వినాయకుడిని పూజించాలి.

*శని గ్రహదోషంతో బాధపడేవారు నల్ల రాతిపై చెక్కిన వినాయకుడి విగ్రహాన్ని పూజించాలి.

*రాహుగ్రహ దోషం ఉన్నవారు మట్టితో చేసిన గణపతిని, కేతు గ్రహ దోషం ఉన్నవారు తెల్ల జిల్లేడుతో చేసిన వినాయకుడిని పూజించాలి. ఇలా చేయడం వల్ల గ్రహ దోషం పోయి అనుకున్నవి నెరవేరుతాయి. కష్టాలు తప్పుతాయి.