హిందువులు జరుపుకునే అనేక పండుగలలో వినాయక చవితి పండుగ ఒకటి. ఈ వినాయక చవితి పండుగను ప్రజలు ఎంతో అంగరంగ వైభవంగా జరుపుకుంటారు. చాలా మంది మట్టి వినాయకుడి విగ్రహాలను తయారు చేసి స్వామివారికి పెద్ద ఎత్తున పూజా కార్యక్రమాలను నిర్వహిస్తూ వివిధ రకాల పిండి వంటలను నైవేద్యంగా సమర్పిస్తారు. ప్రతి సంవత్సరం భాద్రపద మాసం శుక్ల చతుర్దశి రోజున వినాయక చవితి ఉత్సవాలను జరుపుకుంటారు.
పురాణాల ప్రకారం వినాయకుడు భాద్రపద శుక్ల చతుర్దశి రోజు విఘ్నేశ్వరుడిగా మారడం వల్ల ఈ రోజున వినాయక చవితి ఉత్సవాలను జరుపుకుంటారని పండితులు చెబుతున్నారు. మరి ఎంతో నియమ నిష్టలతో జరుపుకొనే ఈ రోజు ఏ విధమైన నూనెతో దీపారాధన చేయడం వల్ల శుభ పరిణామాలు కలుగుతాయనే విషయాలను ఇక్కడ తెలుసుకుందాం.
వినాయక చవితి రోజు వినాయకుడి విగ్రహాన్ని ప్రత్యేకంగా అలంకరించి వివిధ రకాల పండ్లను, పిండి పదార్థాలను నైవేద్యంగా సమర్పిస్తారు. అదేవిధంగా వినాయకుడికి దీపారాధన చేసేటప్పుడు కొబ్బరి నూనెను ఉపయోగించడం వల్ల స్వామి వారు ప్రీతి చెంది స్వామివారి అనుగ్రహం మనపై ఉంటుందని పండితులు తెలియజేస్తున్నారు. ఈ విధంగా స్వామి వారికి కొబ్బరి నూనెతో దీపారాధన చేసి వివిధ రకాల పండ్లు ఆహారపదార్థాలను నైవేద్యంగా సమర్పిస్తూ వినాయకుడి కథ చదవటం వల్ల స్వామివారి కృప మనపై ఉండి అన్ని శుభాలు కలుగుతాయని పండితులు చెబుతున్నారు.