పుట్టినరోజుకు అదిరిపోయే సర్‌ ప్రైజ్‌ ఇచ్చిన విశాల్..!

యంగ్ హీరో విశాల్ నటన గురించి ప్రత్యేకంగా చెప్పాల్సిన పనిలేదు. తెలుగు, తమిళంలో ఎన్నో విజయవంతమైన సినిమాల్లో నటించి మంచి గుర్తింపు సంపాదించుకున్న విశాల్ నేడు పుట్టినరోజు జరుపుకుంటున్న సందర్భంగా తన 31 వ సినిమాకు సంబంధించిన టైటిల్ ను చిత్ర బృందం విడుదల చేశారు. ఈ క్రమంలోనే విశాల్ నటిస్తున్న 31వ చిత్రానికి “సామాన్యుడు”అనే టైటిల్ ఖరారు చేస్తూ ఫస్ట్ లుక్ పోస్టర్ ను విడుదల చేశారు.

తుపా శరవణన్ దర్శకత్వంలో తెరకెక్కుతున్న ఈ సినిమాకి సంబంధించిన ఫస్ట్ లుక్ పోస్టర్ లో విశాల్ చేతిలో బేస్ బాల్ బ్యాట్ పట్టుకుని రౌడీలను కొడుతున్నట్టుగా కనిపించడంతో ఈ సినిమా మాస్ యాక్షన్ తరహాలో తెరకెక్కుతోందని తెలుస్తోంది. విశాల్ పుట్టినరోజు సందర్భంగా విడుదల చేసిన ఈ పోస్టర్ పై భారీ అంచనాలు పెరిగాయి.

సామాన్యుడు చిత్రంలో విశాల్ సరసన టాలీవుడ్ హీరోయిన్ డింపుల్ హయతి హీరోయిన్‌గా నటిస్తోంది. విశాల్ ఫిలిం ఫ్యాక్టరీ బ్యానర్ పై తెరకెక్కుతున్న ఈ సినిమాకు యువన్ శంకర్ రాజా సంగీతాన్ని సమకూర్చారు. ఇందులో పలు కీలక పాత్రలలో కోలీవుడ్ నటీనటులు సందడి చేయనున్నారు. ప్రస్తుతం షూటింగ్ జరుపుకుంటున్న ఈ చిత్ర విడుదల తేదీని త్వరలోనే చిత్రబృందం వెల్లడించనున్నట్లు తెలుస్తోంది. ఇక ప్రస్తుతం విశాల్ సినిమా ఫస్ట్ లుక్ పోస్టర్ సోషల్ మీడియాలో వైరల్ గా మారడమేకాకుండా అభిమానులు తమ అభిమాన నటుడికి పెద్ద ఎత్తున పుట్టినరోజు శుభాకాంక్షలు తెలియజేస్తున్నారు.