శృంగారమే బంగారం.. ఆర్‌జీవీ షాకింగ్ కామెంట్స్..

గత కొద్ది రోజుల నుంచి బాలీవుడ్ ఇండస్ట్రీలో పోర్నోగ్రఫీ కేసు హాట్ టాపిక్ గా మారింది. ఈ క్రమంలోనే పోర్నోగ్రఫీ సినిమాలు తీస్తూ వాటిని అప్లోడ్ చేస్తూ లక్షలు సంపాదిస్తున్నారనే ఆరోపణలు చేస్తూ నటి శిల్పాశెట్టి భర్త,ప్రముఖ వ్యాపారవేత్త అయినటువంటి రాజ్ కుంద్రా ను పోలీసులు అరెస్ట్ చేసిన సంగతి మనకు తెలిసిందే. ఈ క్రమంలోనే పోలీసులు విచారణను వేగవంతం చేశారు. తాజాగా పోర్నోగ్రఫీ పై కాంట్రవర్సి డైరెక్టర్ రామ్ గోపాల్ వర్మ తనదైన శైలిలో స్పందిస్తూ కామెంట్లు చేశారు.

రాజ్ కుంద్రా అరెస్ట్, పోర్నోగ్రఫీ పై ఒక మీడియాకు ఇచ్చిన ఇంటర్వ్యూ లో భాగంగా మాట్లాడుతూ రాంగోపాల్ వర్మ ప్రారంభంలోనే… శృంగారం అంటే తన దృష్టిలో బంగారమని వ్యాఖ్యలు చేశారు. ఇద్దరు వ్యక్తులకు ఇష్టమైనప్పుడు శృంగారం చేయడం తప్పు కాదు ఆ వ్యక్తుల అంగీకారంతో షూట్ చేయడం తప్పు కాదంటూ సంచలన వ్యాఖ్యలు చేశారు.

సోషల్ మీడియాలో వందలు వేల కొద్దీ ఈ విధమైనటువంటి వీడియోలు ఉన్నాయి. వాటన్నింటినీ బయటికి తీస్తే చాలామందిని అరెస్ట్ చేయాల్సి ఉంటుంది. రాజ్ కుంద్రా ఒక వ్యాపారవేత్త, ఒక సెలబ్రిటీ భర్త కావడంతో ఈ విషయం సంచలనంగా మారింది అంటూ రామ్ గోపాల్ వర్మ తనదైన శైలిలో స్పందించారు. ప్రస్తుతం రాంగోపాల్ వర్మ చేసిన ఈ వ్యాఖ్యలు సోషల్ మీడియాలో వైరల్ గా మారాయి.