ప్రేయ‌సీ ప్రియుల మ‌ధ్య‌లోకి ఎవ‌రైనా వ‌స్తే వారికి ఇక బ‌డితె పూజ త‌ప్ప‌దు. అన‌వ‌స‌రంగా జంట‌లు లేదా దంప‌తుల మ‌ధ్య ఎవ‌రూ క‌ల‌గ‌జేసుకోకూడ‌దు. వారి మానాన గొడ‌వ‌ప‌డి వారే పోతారు. అయితే అక్క‌డ జ‌రిగింది వేరే. ఒక బాయ్ ఫ్రెండ్ కోసం ఏకంగా న‌లుగురు యువతులు త‌న్నుకున్నారు. మ‌ధ్య‌లో అడ్డువ‌చ్చిన ఇంకో యువ‌కునిపై వారు చేయి చేసుకున్నారు. ప్ర‌స్తుతం ఈ సంఘ‌ట‌న తాలూకు వీడియో సోష‌ల్ మీడియాలో వైర‌ల్ గా మారింది.
బీహార్‌లోని ముజ‌ఫ‌ర్ పూర్ సిటీలో ఉన్న మోతిజ్‌హీల్ ప్రాంతంలోని ఒక మాల్‌లో ఇద్ద‌రు యువతులు ఒక బాయ్ ఫ్రెండ్ కోసం త‌న్నుకోవ‌డం మొద‌లు పెట్టారు. అయితే ఇంకో యువ‌తి వ‌చ్చి వారితో గ‌లాటాకు దిగింది. దీంతో ఇద్ద‌రి పొట్లాట కాస్తా ముగ్గురి మ‌ధ్య జ‌రిగింది. అనంత‌రం ఇంకో యువ‌తి వ‌చ్చి అందులో చేరింది. దీంతో మొత్తం న‌లుగురు యువతులు ఒకే ఒక బాయ్ ఫ్రెండ్ కోసం త‌న్నుకున్నారు.
https://youtu.be/huXjaqPeEzM
అయితే ఓ వ్య‌క్తి వారిని వారించ‌బోయాడు. కానీ అత‌ను కూడా వారిచే దెబ్బ‌లు తినాల్సి వ‌చ్చింది. అయితే చివ‌ర‌కు మాల్ సెక్యూరిటీ సిబ్బంది వారిపై ఆగ్ర‌హించి అక్క‌డి నుంచి వారిని పంపించేశారు. కానీ పోలీసులు మాత్రం త‌మకు ఈ సంఘ‌ట‌న‌పై ఎవ‌రూ ఫిర్యాదు చేయ‌లేద‌ని తెలిపారు. అయితే అక్క‌డ ఉన్న‌వారంతా ఈ గొడ‌వ తాలూకు ఫొటోలు, వీడియోల‌ను చిత్రీకరించారు. అవి సోష‌ల్ మీడియాలో వైర‌ల్‌గా మారాయి.
