సాధారణంగా అమ్మాయి అయినా, అబ్బాయి అయినా వారి అందాన్ని రెట్టింపు చేయాలంటే తప్పనిసరిగా జుట్టు ఎంతో అవసరం. జుట్టు మన అందాన్ని రెట్టింపు చేయడమే కాకుండా మన తలకు ఒక రక్షణ కవచంగా కూడా ఉంటుంది. అయితే ప్రస్తుత కాలంలో వయసుతో సంబంధం లేకుండా జుట్టు ఎక్కువగా రాలి పోవడమే కాకుండా, అనేక జుట్టు సమస్యలు ఏర్పడుతున్నాయి. ఈ సమస్య వర్షాకాలంలో మహిళలను మరింత ఎక్కువగా వేధిస్తుంది. వర్షాకాలంలో ఈ విధంగా జుట్టు రాలిపోవడానికి మన శరీరంలో కొన్ని లోపాలు తలెత్తడం వల్ల ఇలా జుట్టు రాలిపోవడం జరుగుతుంది. మరి మనలో ఈ లక్షణాలు కనబడుతుంటే వెంటనే వైద్యుని సంప్రదించడం ఎంతో ఉత్తమం.
ఒక అధ్యయనం ప్రకారం రోజుకు వంద వరకు వెంట్రుకలు రాలిపోతే అది సాధారణమేనని నిపుణులు తెలియజేశారు. వర్షాకాలంలో ఈ జట్టు రాలిపోవడం మూడు రెట్లు పెరుగుతుంది. వర్షాకాలంలో జుట్టు రాలిపోవడం సర్వసాధారణమే అయినప్పటికీ ఎక్కువగా రాలిపోతే తప్పనిసరిగా వైద్యుడిని సంప్రదించాల్సి ఉంటుంది.
వర్షాకాలంలో వాతావరణంలోని తేమ శాతం ఎక్కువగా ఉంటుంది. ఈ క్రమంలోనే మన జుట్టు మూలాలు కూడా ఎక్కువ శాతం హైడ్రోజన్ గ్రహిస్తాయి. ఈ హైడ్రోజన్ జుట్టు కుదుళ్లను ఎంతో పెలుసుగా చేసి రాలిపోవడానికి కారణమవుతుంది. అధిక ధరల కారణంగా మన జుట్టు లో ఉన్నటువంటి నూనె లక్షణాలు తొలగిపోయి జుట్టు బలహీనంగా మారడమే కాకుండా, స్కల్ మొత్తం దెబ్బతింటుంది. దీని కారణంగా తలలో చుండ్రు ఏర్పడటం వల్ల కూడా అధిక జుట్టు రాలే సమస్య ఏర్పడుతుంది. అందుకోసమే వర్షాకాలంలో జుట్టును వదులుకోకూడదు, వారంలో ఎక్కువ సార్లు తలంటు స్నానం చేయకూడదని నిపుణులు చెబుతున్నారు.ఇలాంటి జాగ్రత్తలు తీసుకున్న జుట్టు రాలే సమస్య అధికంగా ఉంటే వెంటనే వైద్యుని సంప్రదించి సరైన చికిత్స తీసుకోవాలి.