భారత సంతతికి చెందిన ఒక వ్యక్తి తీసిన ఫోటో ప్రపంచంలోని ఎంతో మందిని ఆకట్టుకుంది. కేవలం ఈ ఒక్క ఫోటోనే 1.5 లక్షల రూపాయల బహుమతిని సొంతం చేసుకుంది. అంత పెద్ద బహుమతి గెలుచుకోవడానికి ఆ ఫోటోలో ఏముంది అనుకుంటున్నారా.. అది ఒక కోతి జాతికి చెందిన ఒరాంగూటాన్ ఫోటో . అసలు ఇంత పెద్ద బహుమతి గెలుచుకోవడానికి ఈ ఫోటోలో ఉన్న ప్రత్యేకత ఏమిటో ఇక్కడ తెలుసుకుందాం..
థామస్ విజయన్ కేరళకు చెందిన ఫొటోగ్రాఫర్. కెనడా వెళ్లి స్థిరపడ్డాడు. అతను బోర్నియో వెళ్లిన సమయంలో ఒక ఒరాంగూటాన్ చెట్టు దిగుతున్నటువంటి ఒక ఫోటోను తీశాడు. థామస్ కి ఈ ఫోటోకి ‘ద వరల్డ్ ఈజ్ గోయింగ్ అప్‌సైడ్ డౌన్’ అని పేరు పెట్టాడు. థామస్ తీసిన ఈ ఫోటోకి నేచర్ టీటీఎల్ ఫొటోగ్రాఫర్ ఆఫ్ ది ఇయర్ 2021 అవార్డు దక్కింది. ఈ క్రమంలోనే థామస్ 1.5 లక్షల రూపాయల బహుమతిని సొంతం చేసుకున్నాడు.
ఇంత అద్భుతమైన ఫోటోను తీయడం కోసం తామస్ నీటిలో ఉన్నటువంటి ఒక చెట్టును ఎంచుకొని సుమారు గంటల కొద్ది ఆ చెట్టు పై వెయిట్ చేసి ఈ ఫోటో తీసినట్లు తెలిపాడు. ఈ ఫోటో తీయడానికి ఆ నీళ్లు తనకి అద్దంలో పని చేశాయని థామస్ తెలిపాడు. ప్రస్తుతం థామస్ తీసిన ఈ ఫోటో సోషల్ మీడియాలో వైరల్ గా మారింది.
