Kangana Ranaut : బాలీవుడ్ న‌టి కంగ‌నా రనౌత్ ఎల్ల‌ప్పుడూ వార్త‌ల్లో నిలుస్తూ ఉంటుంద‌న్న విష‌యం తెలిసిందే. ఈమె బీజేపీ స‌పోర్ట‌ర్‌. క‌నుక ఎల్ల‌ప్పుడూ ప్ర‌తిప‌క్షాల‌ను టార్గెట్‌గా చేసుకుని ఈమె కామెంట్స్ చేస్తుంటుంది. గ‌తంలో సుశాంత్ సింగ్ రాజ్‌పూత్ ఆత్మహ‌త్య చేసుకున్న సమయంలో కంగ‌నా రనౌత్ చేసిన కామెంట్స్ సంచ‌ల‌నం సృష్టించాయి. బాలీవుడ్‌లో బంధు ప్రీతి వ‌ల్లే సుశాంత్ సింగ్ చ‌నిపోయాడ‌ని.. ఆమె అప్ప‌ట్లో దుమారం రేపేలా వ్యాఖ్య‌లు చేసింది. ఆ త‌రువాత నుంచి అడ‌పా ద‌డ‌పా ఈమె అలాంటి కామెంట్ల‌నే చేస్తూ త‌ర‌చూ వార్త‌ల్లో నిలుస్తోంది. ఇక మ‌రోమారు ఈమె పేరు తెర‌పైకి వ‌చ్చింది. అయితే ఈసారి వివాదాస్ప‌ద వ్యాఖ్య‌లు చేయ‌లేదు.. కానీ త‌న జీవితానికి సంబంధించిన విష‌యాల‌ను వెల్ల‌డించింది.
కంగ‌నా రనౌత్ ప్ర‌స్తుతం ప‌లు బాలీవుడ్ సినిమాల‌తో బిజీగా ఉంది. ఈ మ‌ధ్యే ఆమె హోస్ట్ చేసిన లాక‌ప్ అనే రియాలిటీ షో ముగిసింది. ఇక ఈమె ఇటీవ‌ల న‌టించిన ధాక‌డ్ అనే చిత్రం విడుద‌ల‌కు సిద్ధంగా ఉంది. మే 20న ఈ మూవీ రిలీజ్ కానుంది. దీంతో చిత్ర ప్ర‌మోష‌న్స్‌ను చేప‌డుతున్నారు. అందులో భాగంగా మీడియా సంస్థ‌ల‌కు కంగ‌నా ఇంట‌ర్వ్యూలు ఇస్తోంది. ఇక ఆమెకు ఇంట‌ర్వ్యూల్లో భాగంగా చిత్ర‌మైన ప్ర‌శ్న‌లు ఎదుర‌వుతున్నాయి.
ఇటీవ‌ల ఓ ఇంట‌ర్వ్యూలో ఆమె పాల్గొన‌గా.. ఒక‌రు ఆమెను.. మీరు ఇంకా ఎందుకు పెళ్లి చేసుకోలేదు, మీ తోటి న‌టీన‌టులు అంద‌రూ పెళ్లిళ్లు చేసుకున్నారు క‌దా, వారికి పిల్ల‌లు కూడా పుడుతున్నారు, కానీ మీరు ఇంకా పెళ్లి ప్ర‌య‌త్నాలే చేయ‌డం లేదు.. అని అడ‌గ్గా.. అందుకు కంగ‌నా బ‌దులిస్తూ.. తాను సంచ‌ల‌న వ్యాఖ్య‌లు చేస్తూ ఫైర్ బ్రాండ్‌లా అంద‌రికీ క‌నిపిస్తున్నాన‌ని.. అందుక‌నే త‌న జోలికి వ‌స్తే కొడ‌తాన‌నే ఉద్దేశంతోనే త‌న‌ను ఏ పురుషుడూ పెళ్లి చేసుకునేందుకు ఇష్ట‌ప‌డ‌డం లేద‌ని.. కంగ‌నా సంచ‌ల‌న కామెంట్స్ చేసింది.
త‌న‌తో కాపురం చేస్తే తాను ఎక్క‌డ ఇబ్బంది పెడ‌తాన‌నో అని చెప్పి పురుషులు భ‌య‌ప‌డుతున్నార‌ని.. ఆ విధంగా మీడియా సంస్థ‌లు ప్రచారం చేస్తున్నాయ‌ని.. అందుక‌నే త‌న‌కు పెళ్లి కావ‌డం లేద‌ని.. కంగ‌నా బ‌దులిచ్చింది. ఇక ధాక‌డ్ మూవీ అడ్వెంచ‌ర్ థ్రిల్ల‌ర్ జోన‌ర్‌లో తెర‌కెక్కింది. ఈ మూవీ నుంచి విడుద‌లైన ట్రైల‌ర్ ఇప్ప‌టికే ఆక‌ట్టుకుంటోంది. ఇందులో అర్జున్ రామ్‌పాల్‌, దివ్య ద‌త్తా ఇత‌ర ప్ర‌ధాన పాత్ర‌ల్లో న‌టించారు. ఈ క్ర‌మంలోనే ఈ మూవీపై ప్రేక్ష‌కుల్లో ఆసక్తి నెల‌కొంది.
