Radhe Shyam : రాధాకృష్ణ దర్శకత్వంలో ప్రభాస్, పూజాహెగ్డె హీరోహీరోయిన్లుగా పాన్ ఇండియా స్థాయిలో భారీ బడ్జెట్ తో తెరకెక్కిన సినిమా రాధేశ్యామ్. ఈ సినిమా ఈ నెల 11వ తేదీన ప్రపంచ వ్యాప్తంగా విడుదల అయి ప్రేక్షకులను సందడి చేస్తోంది. 1960 నాటి వింటేజ్‌ ప్రేమకథ నేపథ్యంలో సాగిన ఈ కథలో ప్రభాస్ హస్తసాముద్రిక నిపుణుడి పాత్రలో కనిపించారు. ఇక ప్రస్తుతం ఈ సినిమా థియేటర్ లో విజయవంతంగా ప్రదర్శించబడుతోంది.
కాగా థియేటర్ లలో విడుదలైన తర్వాత ప్రతి ఒక్క సినిమా ప్రస్తుతం డిజిటల్ ప్లాట్ ఫామ్ పై విడుదల అవుతూ ప్రేక్షకులను సందడి చేస్తున్నాయి. ఈ క్రమంలోనే ప్రభాస్ రాధేశ్యామ్ చిత్రం కూడా డిజిటల్ ప్లాట్‌ఫాంపై అలరించేందుకు సిద్ధమైంది. రూ.300 కోట్ల భారీ బడ్జెట్ తో తెరకెక్కిన ఈ సినిమా ఓటీటీ హక్కులను అమెజాన్ భారీ ధరకు దక్కించుకున్నట్టు సమాచారం. దీంతో త్వరలోనే అమెజాన్‌లో ఈ సినిమా స్ట్రీమ్‌ కానుందని తెలుస్తోంది. దీనిపై త్వరలోనే అధికారిక వివరాలను ప్రకటించనున్నారు.
ఇక ఈ సినిమా థియేటర్లో విడుదల అయినప్పటికీ థియేటర్ లో చూడలేనివారు ఇకపై అమెజాన్ ద్వారా ఈ సినిమాను చూడవచ్చు. సినిమా థియేటర్ లో విడుదలైన నాలుగు వారాలకు ఓటీటీలో విడుదల అవుతుంది. ఈ క్రమంలోనే ప్రభాస్ రాధేశ్యామ్ చిత్రం మార్చి 11వ తేదీన విడుదల అయింది కనుక ఈ సినిమాని ఏప్రిల్ 2వ తేదీన ఉగాది పండుగ సందర్భంగా మధ్యాహ్నం 12 గంటలకు స్ట్రీమింగ్‌ చేయాలని అమెజాన్ ప్లాన్‌ చేస్తున్నట్లు సమాచారం. మరి ఈ వార్తలలో ఎంతవరకు నిజముందో తెలియాలంటే కొన్ని రోజుల వరకు వేచి చూడక తప్పదు.
