Alia Bhatt : ఎన్టీఆర్, రామ్ చరణ్ ప్రధాన పాత్రలలో రాజమౌళి తెరకెక్కించిన విజువల్ వండర్ ఆర్ఆర్ఆర్. జనవరి 7న విడుదల కానున్న ఈ సినిమా ట్రైలర్ రీసెంట్గా విడుదలైంది. ఇందులోని ప్రతి సన్నివేశం ప్రేక్షకులని ఎంతగానో ఆకట్టుకుంటోంది. కొన్ని సన్నివేశాలు రోమాలు నిక్కపొడుచుకునేలా చేశాయి. అయితే ఈ ట్రైలర్ లాంచ్ ఈవెంట్ను ముంబైలో ఏర్పాటు చేశారు. ఈ కార్యక్రమంలో అలియా భట్, రాజమౌళి, అజయ్ దేవగణ్, ఎన్టీఆర్, దానయ్య కలిసి పాల్గొన్నారు.
లాంచింగ్ కార్యక్రమంలో అనుకోని సంఘటన జరిగింది. అలియా భట్ కాలు మీద కాలు వేసుకుని కూర్చునేందుకు ప్రయత్నించింది. ఆ సమయంలో పక్కనే ఉన్న రాజమౌళికి అలియా భట్ కాళ్లు తగిలాయి. వెంటనే ఆమె క్షమించమన్నట్టు ఆయన కాళ్లు పట్టుకోబోయింది. రాజమౌళి మాత్రం వద్దని అలా ఆపేశాడు. మొత్తానికి ఈ దృశ్యాలు ఇప్పుడు నెట్టింట్లో వైరల్ అవుతున్నాయి.
ఇండియన్ మోస్ట్ వాంటెడ్ నంబర్ వన్ హీరోయిన్ అయిన అలియా భట్ సంస్కారం మంచిదంటూ నెటిజన్లు ప్రశంసలు కురిపిస్తున్నారు. ఈ ఈవెంట్కు రామ్ చరణ్ హాజరు కాలేకపోయాడు. రామ్ చరణ్ సతీమణి ఉపాసన సోదరి అనుష్పల పెళ్లి సందర్భంగా రామ్ చరణ్ ఇక్కడే ఆగిపోయాడు. దోమకొండలో ఘనంగా జరిగిన అనుష్పల పెళ్లిలో రామ్ చరణ్ రాయల్ లుక్ అదిరిపోయింది.