Prabhas : పాన్ ఇండియా స్టార్ హీరో ప్రభాస్ ప్రస్తుతం వరుస సినిమాలతో ఫుల్ బిజీగా ఉన్నాడు. ఇలాంటి టైమ్ లో ప్రభాస్ ఓ ఇంటివాడు కాబోతున్నాడంటూ వార్తలు తెగ చక్కర్లు కొడుతున్నాయి. మరి ప్రభాస్ ఇంటివాడు కాబోయే ఆ అమ్మాయి ఎవరు అని గూగుల్ లో వెతికితే.. మీరు పొరపడినట్లే.. ప్రభాస్ ఓ కొత్త ఇంటికి ఓనర్ కాబోతున్నారు. హైదరాబాద్ లో తన డ్రీమ్ ప్రాజెక్ట్ ని ప్లాన్ చేసుకుంటున్నాడు.
రీసెంట్ గా ప్రభాస్ ముంబైలో ఓ పెద్ద బంగ్లా కొన్నాడు. అలాగే హైదరాబాద్ లో బిగ్గెస్ట్ లగ్జరీ విల్లాను కట్టించడానికి ప్లాన్ చేస్తున్నాడట. దానికోసం ఇప్పటికే హైదరాబాద్ నానక్ రామ్ గూడలో 2 ఎకరాలను 120 కోట్ల రూపాయలకు కొన్నాడు. ఈ ప్లేస్ లో తనకు నచ్చినట్లుగా అన్ని సౌకర్యాలతో విల్లాను డిజైన్ చేయించుకుంటున్నాడట. ఈ ఇంటిని నిర్మించేందుకు దాదాపుగా రూ.80 కోట్లను ఖర్చు చేస్తున్నట్లు టాక్ వినిపిస్తోంది. ఈ ఇంటి మీద స్పెషల్ ఫోకస్ తీసుకుని, అద్భుతమైన డిజైన్ తో ప్లాన్ చేస్తున్నాడట.
ఈ లెక్కన చూస్తే స్థలం రూ.120 కోట్లు, విల్లాకి రూ.80 కోట్లు ఖర్చు చేస్తున్నారు. అంటే ప్రభాస్ ఈ విల్లా కోసం 200 కోట్ల రూపాయలు ఖర్చు చేస్తున్నాడు. ఎంత డబ్బు అనేది పక్కన పెడితే ప్రభాస్ తన డ్రీమ్ ప్రాజెక్ట్ తనకు దక్కుతుందనే ఆనందమే ఎక్కువగా ఉందనే విషయం స్పష్టం అవుతోంది. ఈ వార్త తెలిసిన తర్వాత ప్రభాస్ ఇంటికి రాబోయే అమ్మాయి ఎంత అదృష్టవంతురాలో అంటూ నెటిజన్లు కామెంట్ చేస్తున్నారు.
