Shyam Singha Roy : నాచురల్ స్టార్ నాని హీరోగా, సాయి పల్లవి, కృతి శెట్టి హీరోయిన్లుగా రాహుల్ సాంకృత్యన్ దర్శకత్వంలో కోల్కతా బ్యాక్ డ్రాప్ లో తెరకెక్కుతున్న చిత్రం శ్యామ్ సింగరాయ్. ఇప్పటికే ఈ సినిమా నుంచి విడుదలైన పోస్టర్లు ఈ సినిమాపై హైప్ క్రియేట్ చేశాయి. ఇందులో నాని ద్విపాత్రాభినయంలో నటిస్తున్నారు. ఈ క్రమంలోనే దసరా కానుకగా కాళీ మాత ఆలయంలో శ్యామ్ సింగ రాయ్ ని చూపిస్తూ విడుదల చేసిన పోస్టర్ సినిమాపై మరింత అంచనాలను పెంచింది.
ఇప్పటికే షూటింగ్ పూర్తి చేసుకున్న ఈ చిత్రానికి సంబంధించి ఆసక్తికరమైన విషయాన్ని చిత్రబృందం అధికారికంగా ప్రకటించింది. ప్రస్తుతం పోస్ట్ ప్రొడక్షన్ పనులు జరుపుకుంటున్న ఈ సినిమా త్వరలోనే ప్రేక్షకుల ముందుకు రాబోతున్నట్లు తెలియజేశారు. ఈ క్రమంలోనే ఈ ఏడాది చివర క్రిస్మస్ కానుకగా ఈ సినిమాను డిసెంబర్ 24వ తేదీన విడుదల చేయనున్నట్లు చిత్ర బృందం అధికారికంగా ప్రకటించింది.
This Christmas
Shyam will arrive where he belongs 🙂
To the big screen and to your hearts ?TELUGU,TAMIL,MALAYALAM,KANNADA
DECEMBER 24th ?#ShyamSinghaRoy @Sai_Pallavi92 @IamKrithiShetty @MadonnaSebast14 @MickeyJMeyer @Rahul_Sankrityn @vboyanapalli@NiharikaEnt pic.twitter.com/pbMojsNhs8
— Nani (@NameisNani) October 18, 2021
ఈ సినిమాని తెలుగు, తమిళ, కన్నడ భాషలలో విడుదల చేయనున్నట్లు చిత్ర బృందం ప్రకటించింది. ఈ విషయాన్ని అధికారికంగా తెలియజేస్తూ.. నాని, సాయి పల్లవి జంటగా ఉన్న పోస్టర్ ను విడుదల చేశారు. ప్రస్తుతం ఈ పోస్టర్ సోషల్ మీడియాలో వైరల్ గా మారింది.