సాధారణంగా మూవీలలో మనం స్పైడర్ మ్యాన్ ని చూసినప్పుడు ఎంతో ఆశ్చర్యం వేస్తుంది. కళ్ళు మూసి కళ్ళు తెరిచేలోపు ఎంతో ఎత్తుకు పాకుతూ వెళ్తాడు. అచ్చం నిజ జీవితంలో కూడా ఓ చిన్నారి స్పైడర్ మాన్ ను తలపించేలా గోడలను పాకుతూ క్షణాల్లో ఇంటిపైకప్పుకు చేరుకుంది. ప్రస్తుతం ఈ ఘటనకు సంబంధించిన వీడియో సోషల్ మీడియాలో వైరల్ గా మారింది.
ఈ వీడియోలో ఐదు సంవత్సరాల చిన్నారి రెండు గోడల మధ్య నిలబడి ఎంతో సునాయాసంగా గోడలపై పాకుతూ ఇంటి పై కప్పుకు చేరుకుంది. ఇంటి పై కప్పు వరకు చేరుకున్న చిన్నారి అక్కడ కాసేపు కొన్ని అద్భుతమైన విన్యాసాలను ప్రదర్శించి కాళ్లు చేతులతో ఎంతో భిన్నమైన ఫీట్లు చేస్తూ తిరిగి కిందికి వచ్చింది.
Imagine waking up in the middle of the night to this. I’d be on medication for the rest of my days. https://t.co/7NAiQ7Tn1n
— josh (@jccmm) September 16, 2021
అయితే ఈ వీడియోలో చిన్నారి తన కాళ్ళు, చేతులను గోడకు వ్యతిరేకంగా పెట్టుకొని పాకుతూ వెళ్లడం అందరినీ ఆశ్చర్యానికి గురి చేసింది. ప్రస్తుతం ఈ వీడియో సోషల్ మీడియాలో వైరల్ గా మారడంతో ఎంతో మంది నెటిజన్లు ఈ చిన్నారి టాలెంట్ ను చూసి మురిసిపోతున్నారు. ఈ క్రమంలోనే కొందరు చిన్నారిపై ప్రశంసలు కురిపిస్తూ కామెంట్లు చేయగా మరికొందరు ఏ అర్ధరాత్రి సమయంలోనైనా ఇలా చేస్తే ఇక జీవితాంతం నేను మందులు వాడాల్సిందే.. అంటూ కామెంట్లు చేస్తున్నారు.