Navagraha : న‌వ‌గ్ర‌హాలు అనుకూలించాలంటే ఏం చేయాలి..?

Navagraha : గ్రహాలు అనుకూలంగా ఉంటే అన్నీ కూడా సవ్యంగానే జరుగుతాయి. అన్ని పనులు కూడా పూర్తవుతాయని చాలా మంది భావిస్తారు. నవగ్రహాలు అనుకూలించాలంటే ఏం చేయాలనేది ఈరోజు తెలుసుకుందాం. రవిచంద్రులు అనుకూలంగా ఉండాలంటే తల్లిదండ్రులని గౌరవించాలి. తల్లిదండ్రులని బాగా అర్థం చేసుకోవాలి. బాగా చూసుకుని బాగా సేవ చేయాలి. అదే గురు బలం కావాలంటే ఇంటికి వచ్చిన అతిథుల్ని గౌరవించాలి. రోజూ పసుపుని పాలతో కలిపి నుదుటిన బొట్టు పెట్టుకుంటే గురు బలాన్ని పొందొచ్చు. ఆడవాళ్లు అయితే ముఖానికి పసుపు రాసుకోవాలి. అప్పుడు కూడా గురుబలాన్ని పొందవచ్చు.

శుక్ర గ్రహం అనుకూలంగా ఉండాలంటే ఇంటి ఆడపిల్లల్ని గౌరవించాలి. అలా చేస్తే శుక్ర గ్రహము అనుకూలంగా ఉంటుంది. ఒకవేళ ఇంట్లో ఆడపిల్లలు లేకపోతే, మేనత్తను గౌరవించాలి. అత్త కూడా లేకపోతే కన్న తల్లిని గౌరవించాలి. కన్న తల్లికి శుక్రవారం రోజు తాంబూలం ఇచ్చి, పాద నమస్కారం చేస్తే చాలా మంచిది. బుధుడి అనుగ్రహం కోసం మేనమామను ఆదరించాలి. యోగక్షేమాలు చూసుకోవాలి. లగ్న కుండలి ఆధారంగా చెయ్యకూడని పనులు చేస్తే వారికే నష్టం.

శని అనుగ్రహం కోసం ఎదుటివాళ్ళ మీద చికాకు పడకుండా జాగ్రత్తగా చూసుకోండి. పని వాళ్ళకి తగినంత జీతం కూడా ఇవ్వాలి. కుజుడు అనుగ్రహం కోసం సోదర వర్గాన్ని ఆదరించాలి. సోదరిని బాగా చూసుకోవాలి. అలానే మీరు మీ స్థితిని చూసుకునే దానికి తగ్గట్టుగా అనుసరించాలి. రవి స్థితిని అనుసరించి, కొంతమంది ఏ వస్తువు ఎవరి దగ్గర నుండి ఉచితంగా తీసుకోకూడదు. చంద్రుడి యొక్క స్థితిని చూసుకొని, పాలు, నీరు ఎవరికీ ఉచితంగా ఇవ్వకూడదు. కుజుడిని చూసుకుని చక్కెర వ్యాపారం చేయకండి. వికలాంగులకి దూరంగా ఉండాలి.

బుధుడు స్థితిని చూసుకుని మాంసాహారం, గుడ్లు, చేపలు తినకూడదు. ఆకుపచ్చ దుస్తులు వేసుకోకూడదు. గురువు స్థానాన్ని చూసుకుని సాధువులకి, సన్యాసులకి సహాయం చేయకండి. వస్త్రాలని దానంగా ఇవ్వకండి. శుక్ర గ్రహం యొక్క స్థితిని చూసుకొని ఎక్కువ శబ్దంతో సంగీతం వినకండి. డాన్స్ చేయకూడదు. శని భగవానుడు స్థితి చూసుకొని గంగా భగీరధులకి దూరంగా ఉండాలి. రాహువు స్థితిని బట్టి బ్లూ కలర్ బట్టలు వేసుకోకూడదు. కేతువు స్థితి బట్టి వాగ్దానాలు చేయకూడదు. సంతానం లేని వారి దగ్గర భూమి కొనకూడదు.