Gold In Dream : సాధార‌ణంగా మ‌న‌కు రోజూ క‌ల‌లు వ‌స్తుంటాయి. క‌ల‌ల్లో ఎన్నో క‌నిపిస్తుంటాయి. కొంద‌రికి చ‌నిపోయిన త‌మ బంధువులు, కుటుంబ స‌భ్యులు, పెద్ద‌లు క‌ల‌లో వ‌స్తుంటారు. కొంద‌రికి పీడ‌క‌ల‌లు వ‌స్తుంటాయి. కొంద‌రు పాతాళంలో ప‌డిపోయిన‌ట్లు క‌ల‌లు కంటుంటారు. అయితే మ‌న‌కు వ‌చ్చే ప్ర‌తి క‌ల‌కు ఒక అర్థం ఉంటుందని స్వ‌ప్న‌శాస్త్రం చెబుతోంది. ఆ శాస్త్రం ప్ర‌కారం మ‌న‌కు వ‌చ్చే క‌ల‌ల‌ను బ‌ట్టి మ‌న భ‌విష్య‌త్తు ఎలా ఉండ‌బోతుంద‌నేది ముందుగానే మ‌నం తెలుసుకోవ‌చ్చు. ఇక క‌ల‌లో కొంద‌రికి బంగారం, వెండి వంటి లోహాలు లేదా వాటితో త‌యారు చేసిన ఆభ‌ర‌ణాలు, వ‌స్తువులు కూడా క‌నిపిస్తుంటాయి. మ‌రి అవి క‌ల‌లో క‌నిపిస్తే ఏం జ‌రుగుతుందో ఇప్పుడు తెలుసుకుందామా.
క‌ల‌లో వెండి క‌నిపిస్తే ఎంతో శుభం జ‌రుగుతుంద‌ని స్వ‌ప్న శాస్త్రం చెబుతోంది. ఈ శాస్త్రం ప్ర‌కారం మీరు త్వ‌ర‌లోనే శుభ‌వార్త వింటారు. అలాగే మీ ఇంట్లో సంతోషం నెల‌కొంటుంది. ఇక పెళ్లి కాని వారికి ఇలా క‌ల వ‌స్తే వెంట‌నే పెళ్లి అవుతుంది. అదే పెళ్ల‌యిన వారికి ఇలా క‌ల వ‌స్తే వెంట‌నే సంతానం క‌లుగుతుంది.
క‌ల‌లో బంగారం లేదా బంగారు ఆభ‌ర‌ణాలు క‌నిపిస్తే అది శుభ శ‌కున‌మ‌ని చాలా మంది అనుకుంటారు. కానీ వాస్త‌వానికి క‌ల‌లో బంగారం క‌నిపించ‌డం అంత శుభం కాదు. ఇది చాలా కీడు క‌ల‌గ‌జేస్తుంద‌ని అర్థం. స్వ‌ప్న శాస్త్రం ప్ర‌కారం ఇలాంటి క‌ల వ‌స్తే మీకు త్వ‌ర‌లోనే భారీ ఎత్తున ఆర్థిక స‌మ‌స్య‌లు రాబోతున్నాయ‌ని, మీరు త్వ‌ర‌లోనే అప్పుల్లో కూరుకుపోతార‌ని అర్థం. క‌నుక బంగారం క‌ల‌లో క‌నిపిస్తే వెంట‌నే అల‌ర్ట్ అవ్వాలి. డ‌బ్బును పొదుపుగా వాడుకోవాలి.
మీకు క‌ల‌లో ఇనుము లేదా ఇనుప వ‌స్తువులు క‌నిపిస్తే అది ఎంతో శుభ శ‌కునంగా భావించాలి. మీరు ప‌డ్డ క‌ష్టానికి త‌గిన ఫ‌లితం ల‌భిస్తుంద‌ని తెలుసుకోవాలి. అలాగే మీకు ఉండే దీర్ఘ‌కాలిక వ్యాధులు కూడా తొల‌గిపోతాయి. దీంతో మీకు పెద్ద రిలీఫ్ ల‌భిస్తుంది. మీరు పనిచేసే చోట త‌గిన గుర్తింపు ల‌భిస్తుంది. మీకు క‌ల‌లో ఇత్త‌డి లేదా దాంతో త‌యారు చేసిన వ‌స్తువులు క‌నిపిస్తే స్వ‌ప్న శాస్త్రం ప్ర‌కారం మీపై దేవుళ్లు, దేవత‌ల ఆశీస్సులు ఉన్నాయ‌ని అర్థం చేసుకోవాలి. అలాగే మీకు ఉండే క‌ష్టాలు అన్నీ తొల‌గిపోతాయ‌ని, మీరు వృద్ధిలోకి వ‌స్తార‌ని అర్థం చేసుకోవాలి.
