ఆధార్‌లో ఏయే మార్పులు చేస్తే ఏయే ప‌త్రాలు అవ‌స‌రం అవుతాయో తెలుసా ?

ఆధార్ కార్డులో స‌హ‌జంగానే అప్పుడ‌ప్పుడు మ‌నం ప‌లు మార్పులు చేస్తుంటాం. అడ్ర‌స్‌, ఫొటో, ఫోన్ నంబ‌ర్ ఇలా ప‌లు మార్పులు చేస్తుంటాం. కొన్ని మార్పుల‌కు గాను ఆధార్ కేంద్రాల‌కు త‌ప్ప‌నిస‌రిగా వెళ్లాలి. కానీ కొన్ని మార్పుల‌ను ఆన్‌లైన్‌లోనే చేసుకోవ‌చ్చు. అయితే ఆన్‌లైన్‌లో లేదా కేంద్రం వ‌ద్ద చేసే కొన్ని ర‌కాల ఆధార్ మార్పుల‌కు గాను వివిధ ర‌కాల ప‌త్రాలు అవ‌సరం అవుతుంటాయి. అవేమిటో ఇప్పుడు తెలుసుకుందాం.

రిలేష‌న్ షిప్ ప్రూఫ్ కోసం.. ఎంఎన్ఆర్ఈజీఏ జాబ్ కార్డు, పెన్ష‌న్ కార్డు, పాస్‌పోర్టు, ఆర్మీ క్యాంటీన్ కార్డుల‌లో ఏదైనా ఒక దాన్ని ప్రూఫ్ కింద చూపించ‌వ‌చ్చు. పుట్టిన తేదీ ధ్రువ‌ప‌త్రం కోసం బ‌ర్త్ సర్టిఫికెట్‌, పాస్‌పోర్టు, పాన్ కార్డు, మార్క్ షీట్స్‌, ఎస్ఎస్‌సీ స‌ర్టిఫికెట్‌ల‌లో ఏదైనా ఒక దాన్ని చూపించ‌వ‌చ్చు.

ఇక ఐడీ ప్రూఫ్ కోసం అయితే.. పాస్ పోర్టు, పాన్ కార్డ్‌, రేష‌న్ కార్డు, ఓట‌ర్ ఐడీ, డ్రైవింగ్ లైసెన్స్‌ల‌లో దేన్న‌యినా ఒక దాన్ని చూపించ‌వ‌చ్చు.

అలాగే చిరునామా ధ్రువీక‌ర‌ణ కోసం అయితే పాస్ పోర్టు, బ్యాంక్ స్టేట్‌మెంట్‌, పాస్ బుక్‌, రేష‌న్ కార్డు, పోస్ట్ ఆఫీస్ అకౌంట్ స్టేట్‌మెంట్‌, ఓట‌ర్ ఐడీ, డ్రైవింగ్ లైసెన్స్‌, ఎల‌క్ట్రిసిటీ బిల్‌, వాట‌ర్ బిల్లులలో దేన్న‌యినా ఒక దాన్ని చూపించ‌వ‌చ్చు.

ఇలా ఆధార్‌లో చేసే ఆయా మార్పుల‌కు అనుగుణంగా ఆయా ప‌త్రాల‌ను చూపించ‌వచ్చు. ఈ వివ‌రాల‌ను యూఐడీఏఐ తాజాగా తెలియ‌జేసింది.