44 మెగాపిక్స‌ల్ సెల్ఫీ కెమెరాతో విడుద‌లైన వివో వి21 5జి స్మార్ట్ ఫోన్‌

మొబైల్స్ త‌యారీదారు వివో.. వి21 5జి పేరిట ఓ నూత‌న స్మార్ట్ ఫోన్‌ను భార‌త్‌లో విడుద‌ల చేసింది. ఇందులో 44 మెగాపిక్స‌ల్ కెపాసిటీ ఉన్న సెల్ఫీ కెమెరాను ఏర్పాటు చేశారు. దీంతో 4కె వీడియోల‌ను చిత్రీక‌రించుకోవ‌చ్చు. నైట్ పోర్ట్రెయిట్‌, సూప‌ర్ నైట్ సెల్ఫీ వంటి ఫీచ‌ర్ల‌ను ఈ కెమెరాకు అందిస్తున్నారు. ఈ ఫోన్‌లో 6.44 ఇంచుల ఫుల్ హెచ్‌డీ ప్ల‌స్ రిజ‌ల్యూష‌న్ క‌లిగిన అమోలెడ్ డిస్‌ప్లేను ఏర్పాటు చేశారు. దీనికి 90 హెడ్జ్ రిఫ్రెష్ రేట్‌ను అందిస్తున్నారు. అందువ‌ల్ల డిస్‌ప్లే క్వాలిటీ బాగుంటుంది.

ఈ ఫోన్‌లో మీడియాటెక్ డైమెన్సిటీ 800యు ప్రాసెస‌ర్‌ను ఏర్పాటు చేశారు. 8జీబీ ర్యామ్‌ను అందిస్తున్నారు. వెనుక వైపు 64 మెగాపిక్స‌ల్ కెమెరా ఉంది. దీనికి తోడుగా మ‌రో 8 మెగాపిక్స‌ల్ అల్ట్రా వైడ్ యాంగిల్ కెమెరా, 2 మెగాపిక్స‌ల్ మాక్రో కెమెరాల‌ను ఏర్పాటు చేశారు. ఈ ఫోన్‌లో 4000 ఎంఏహెచ్ బ్యాట‌రీ ఉండ‌గా, దీనికి 33 వాట్ల ఫాస్ట్ చార్జింగ్ స‌పోర్ట్ ల‌భిస్తుంది. అందువల్ల ఈ ఫోన్ కేవ‌లం 30 నిమిషాల్లోనే 0 నుంచి 63 శాతం వ‌ర‌కు చార్జింగ్ పూర్త‌వుతుంది.

వివో వి21 5జి ఫీచ‌ర్లు

6.44 ఇంచ్ ఫుల్ హెచ్‌డీ ప్ల‌స్ అమోలెడ్ డిస్‌ప్లే, 2404 × 1080 పిక్స‌ల్స్ స్క్రీన్ రిజ‌ల్యూష‌న్
90 హెడ్జ్ రిఫ్రెష్ రేట్‌, ఆక్టాకోర్ మీడియాటెక్ డైమెన్సిటీ 800యు ప్రాసెస‌ర్‌, 8జీబీ ర్యామ్
128/256 జీబీ స్టోరేజ్, ఎక్స్‌పాండ‌బుల్ స్టోరేజ్‌, హైబ్రిడ్ డ్యుయ‌ల్ సిమ్‌, ఆండ్రాయిడ్ 11
64, 8, 2 మెగాపిక్స‌ల్ బ్యాక్ కెమెరాలు, 44 మెగాపిక్స‌ల్ సెల్ఫీ కెమెరా
ఇన్ డిస్‌ప్లే ఫింగ‌ర్ ప్రింట్ సెన్సార్‌, 5జి, డ్యుయ‌ల్ 4జి వీవోఎల్‌టీఈ, డ్యుయ‌ల్ బ్యాండ్ వైఫై
బ్లూటూత్ 5.1, యూఎస్‌బీ టైప్ సి, 4000 ఎంఏహెచ్ బ్యాట‌రీ, ఫాస్ట్ చార్జింగ్

వివో వి21 5జి స్మార్ట్ ఫోన్ ఆర్కిటిక్ వైట్‌, స‌న్‌సెట్ డాజిల్‌, డ‌స్క్ బ్లూ క‌ల‌ర్ ఆప్ష‌న్ల‌లో విడుద‌లైంది. ఈ ఫోన్‌కు చెందిన 128జీబీ స్టోరేజ్ మోడ‌ల్ ధ‌ర రూ.29,990 ఉండ‌గా, 256 జీబీ స్టోరేజ్ మోడ‌ల్ ధ‌ర రూ.31,990గా ఉంది. ఈ ఫోన్‌ను ఫ్లిప్‌కార్ట్‌తోపాటు ఆఫ్‌లైన్ స్టోర్స్‌లో మే 6వ తేదీ నుంచి విక్ర‌యించ‌నున్నారు.